افغانستان غربی‌ده جایلشگن هرات ساغلیق‌نی سقلش باشقرمه‌سی‌نینگ مسوول‌لری، اوچ کون هییت جریانی‌ده ترافیک واقعه‌لرده 143 کیشی تن جراحتی آلگن لیگی باره‌سیده خبر بیرگن‌لر.
هرات حوزه‌وی ساغلیق‌نی سقلش اداری مدیری محمد رفیق شیرزی‌نینگ سلام‌وطندار ترماغی‌گه معلوم قیلیب ایتیشیچه، مذکور شخص‌لردن اوچ نفری‌نینگ احوالی آغیر بولگن.
جناب شیرزی، اوشبو ترافیک حادثه‌لر ولایت بویلب یوز بیرگن لیگینی ایتگن. شونینگ‌دیک اوشبو حادثه‌لرده فقط بیر کیشی حیات‌دن کوز یومگن دیدی جناب شیرزی.
عین حالده، یره‌لنگن‌لرنینگ کته قسمی یاش – ییگیت‌لر بولگن لیگینی ایته‌دی جناب شیرزی. بولر برچه سی حددن تیز هیده‌ش همده ترافیک قانون‌لرنی نظرده توتمه‌گن‌لیک سبب حادثه‌گه روپه ره بولگن‌لر.
ایتیلیشیچه، موتر سایکل‌نی تیز هیده‌ش ینه عمومی خیابانلر اینسیزلیگی ترافیک واقعه‌لر میزانی آشگن‌لیگی اوچون باشقه بیر دلیل بولگن.
اونینگ سوزلریگه قره‌گن‌ده، ترافیک واقعه‌سی اوتگن ییل‌گه نسبتن 20% آشگن.
جناب شیرزی، اوچ کون هییت‌ده 39 کیشی ایریم کلتک له‌نیش‌لر آرقه‌لی یره‌لگن‌لر دیگن.
اما، هرات پولیس ترافیک اداره‌سی نینگ مسوول‌لری، مذکور اداره هر ییل ترافیک واقعه‌لرینی تیکشیره‌دی دیگن‌لر. بو اداره‌لر رسمی‌لری، ترافیک حادثه‌سی اوتگن ییل‌گه قره‌گن‌ده کمیگن لیگینی تیل‌گه آلگن.
هرات ترافیک اداره‌سی‌نینگ باشلیغی امین الله میهن‌یار، اوچ کون هییت جریانی‌ده 18 ترافیک واقعه‌سی یوز بیریب، عاقبت‌ده 42 کیشی تن جراحتی آلگن لیگینی معلوم قیلگن.
شونینگ‌دیک جناب میهن‌یار، ترافیک حادثه‌سی‌گه سبب بولگن 6 کیشی حبس‌گه آلینگن لیگی باره‌سیده خبر بیرگن. او، افغانستان حکومتی‌دن مملکت‌گه آلیب کیلینه دیگن نقلیه واسطه‌سی اینیقسه موتر سایکل آلیب کیلینمس لیگینی سوره‌گن.
