هرات ولایتی‌ده اسپانیالیک حربی کوچلرنینگ قرارگاهی تیزلیک‌ده ییریک تجارت مرکزیگه اوزگره‌دی. اوشبو ولایت‌نینگ محلی بلند مرتبه‌لی رسمیلریگه کوره، اوشبو مرکز ایجاد ایتیلیش لایحه‌سی خلق ارا کوچلرنینگ حربی مرکزلری افغانستان حکومتی‌گه تاپشیریلگن‌دن کیین عملی بولیشی ایتیله‌دی.
بوندن آلدین مملکت تجارت و صناعت اتاغی‌نینگ مسوول‌لری، امریکه‌نینگ ییریک حربی قرارگاه‌لری تجاری همده سرمایه یاتقیزیش میدانگه اوزگریشی باره‌سیده خبر بیرگن ایدیلر.
هرات ولایت والیسی‌نینگ سوزلاووچی‌سی احسان‌الله حیات‌نینگ سلام وطندارگه ایتیشیچه، اوشبو حربی قرارگاه هرات قونالغه‌سی یانیده جایلشگن و اوشبو مرکز تجاری فعالیت‌لر مرکزیگه ایلنیشی اوچون خصوصی بولیم‌گه تاپشیریلیشی کوتیله‌دی. جناب حیات‌گه کوره، مملکت هوا میدانلری یانیده تجاری مرکزلر تاسیس ایتیلیش لایحه‌سی جمهور رییش هدایتی اساسی‌ده قول‌گه آلینگن و اوشبو لایحه ایریم اداره‌لر نظری آستی‌ده دقت بیلن عملی ایتیله‌دی.
ایتیلیشیچه، جمهور رییس نینگ هوا میدانلرینی کینگیتیریش بوییچه مصلحتچی‌سی داوود سلطان زوی مذکور برنامه‌نی تشقی ایشلر وزیرلیگی، اقتصاد وزیرلیگی و هوانوردی ریاستی‌نینگ هماهنگ‌لیگی بیلن عملی بولیشی کوتیله‌دی.
هرات ولایت والیسی‌نینگ سوزلاووچی‌سی، تجاری مرکزنی ایجاد ایتیلیشی هرات اوچون ینگی بیر تجربه.
اوتگن کون امنیتی مسوول‌لر، هرات هوا میدانلری سقله‌نیشی اوچون 600 کیشی لیک بیر قطعه ایجاد ایتیلیشی‌نی ایتگن ایدیلر. جناب حیات‌گه کوره، مذکور قطعه هوا میدانلری همده اوشبو تجاری مرکز امنیتی تامین ایتیلیشی اوچون تشکیل ایتیلگن. شونینگ‌دیک اولرنینگ سوزلریگه کوره، بو تجاری مرکز امنیتی تامین ایتیلیشی اوچون مخصوص قطعه تاسیس ایتیله‌دی.
هرات تجارت اتاغی‌نینگ رییسی سعد خطیبی‌نینگ سلام‌وطندارگه ایتیشچه، اوشبو مرکزنی تاسیس ایتیلیشی مملکت‌نینگ غرب حوزه‌سی اینیسقه هرات اقتصادی، سرمایه یاتقیزیش و محصولات‌نی چیت ایل‌گه صادر قیلیش‌گه ییریک اهمیتی بار.
بوندن آلدین امریکه و افغانستان قوشمه تجارت اتاغی‌نینگ مسوول‌لری، افغانستان صنعتی تجارت حوزه‌لریده 5 میلیارد دالر سرمایه یاتقیزیش بیلن مذکور ولایت‌لرده سرمایه یاتقیزیش میزانی کیلگوسی ییل‌لرده 90 میلیاردگه آشیشی‌نی اعلان قیلگن ایدیلر.
هرات هوا میدانی یانیده جایلشگن اسپانیا حربی قرارگاهی مملکت‌ده‌گی خلق ارا کوچلرگه تیگیشلی ییریک حربی قرارگاه‌لردن سنه‌له‌دی.
