جاری ییل باشلنگنی‌دن بویان، هراتده 60 دن آشه راق قیز و اوغیل اولدیروچی دارو ییب خودکش لیک‌که قصدقیلگن‌لر. هرات حوزه‌وی کسل‌خانه سی‌نینگ مسؤول‌لریگه کوره، بو جمله‌دن 10 ته‌سی جان بیرگن.
هرات حوزه‌وی کسل‌خانه سوزلاوچیسی محمدرفیق شیرزی‌نینگ، خلق‌نینگ اولدیروچی دارولرگه قولی صورتده قول تاپیشی توغری‌سیده خواطر بیلدیریب سلام وطندارگه ایتیشیچه، ولایت داروخانه‌لریدن بیرقطاری نسخه‌سیز اولدیروچی دارولرنی اوزباشیمچه لیک‌که ساته‌دیلر.
اونینگ ایتیشیچه، بیرقطار یاشلر، روحی- روانی و عایله‌وی قیینچی‌لیک‌لر توغری‌سیده اولدیروچی دارولرنی خودکش‌لیک اوچون اینگ قولی یول بیله‌دی، مسؤول‌لر نسخه‌سیز دارولر ساتیلیشی‌گه توسیق بولمه‌گن صورتده، خلق کیله‌جک‌ده جدی خطرلرگه دوچ کیلیشی ممکن.
اونینگ کوپه‌یتیریشیچه، بیرقطار داروخانه‌لر تامانیدن نسخه‌سیز دارولرنی ساتیلیشی و بیرقطار دکان‌لرنی جوازسیز دارو آلیب کیلیشی، خلق حیاتی‌نی خطرگه دوچ کیلتیرگن.
عین‌حالده، هرات حوزه‌وی کسل‌خانه رسمی‌لری‌نینگ ایتیشیچه، هرات ولایتیده بیرقطار داروساتووچیلر اوزباشیمچه لیک‌که نسخه‌سیز دارو ساته‌دی.
دیمک نیچه هفته آلدین هراتده بیریاش باله 100 تابلت ترامادول ییب حیاتی‌گه نقطه قویگن.
شونینگ‌دیک هرات یشاوچیلریدن بیرقطاری، داروخانه‌لر تامانیدن نسخه‌سیز دارولر ساتیلیشی‌دن خواطر بیلدیریب ایتیشیچه، اولدیروچی دارولرگه یاشلرنینگ قولِی تیز ییتیشی باعث، یاشلر کیچیک مسئله‌لر اوچون خودکش لیک‌که قصد قیله‌دی.
هرات عامه ساغلیک ریاستی رسمی‌لری، ولایت داروخانه‌لریده نسخه‌سیز دارولر ساتیلیشی‌نی تصدله‌یدی.
هرات عامه ساغلیک ریاستی سرپرستی آصف کبیرنینگ ایتیشیچه، ولایت داروخانه‌لریگه نسخه‌سیز انتی‌بیوتیک‌لر و مخدره دارولرنی ساتیشدن قول تارتیش‌گه توصیه بولینگن.
اونینگ کوپه‌یتیریشیچه، داروخانه‌لر آگاه‌لنتیریلگن، دارولرنی نسخه‌سیز ساتگن صورتده، قانون‌گه تاپشیریلیشی ممکن. جناب کبیرگه کوره، اوتکن بیر آیده 3 داروخانه نسخه‌سیز دارو ساتگنی باعث یاپیلگن.
داکترلرگه کوره، نارکوتیک، سیدتیف، تراماودل، میتادول و روحی- روانی کبی دارولر نسخه‌سیز ساتیلمس‌لیگی کیره‌ک.
هرات ساغلیک اداره‌سی رقمی‌گه کوره، حاضر ولایت مرکزی و تومن‌لریده 500 گه یقین داروخانه فعالیت قیله‌دی. ایتیلیشیچه، بو داروخانه‌لرنی کوپینچه‌سیده تعلیم کورمه‌گن کیشی‌لر دارو ساته‌دی.
