هرات پولیس قومندانلیگی سوزلاوچیسی عبدالاحد ولی‌زاده نینگ سلام‌وطندارگه ایتیشیچه، اوزنی آخرالزمان پیامبری تانیتگن کیشی اوتگن کیچه پولیس کوچلری تامانیدن قولگه آلینگن.
هرات ولایتی بوییچه حج و اوقاف ریاستی باشلیغی عبدالخالق حقانی نینگ سلام‌وطندارگه ایتیشیچه، مذکور کیشی نینگ نامی محمدزلمی بولیب و پشتون‌زرغون تومنی یشاوچیسی دیر.
جناب حقانی نینگ ایتیشیچه، اوشبو کیشی سابق‌لرده بیر مسجید نینگ امامی ایکن و 3 ییل آلدین پیامبرلیک ادعاسینی قیلگن ایدی، بیراق او پیتده قیلگن ایشیدن پشیمان بولیب و توبه قیلگن ایدی.
حقانی نینگ کوپه‌یتیریشیچه، محمدزلمی نینگ ادعاسی دن سونگ، او بیلن مناظره اوتکزگن‌لر، بیراق «پیامبرلیک ادعاسینی قیلگن کیشی شکست بیلن دوچ کیلیب توبه قیلگن.»
هرات ولایتی بوییچه حج و اوقاف ریاستی باشلیغی نینگ ایتیشیچه، اوشبو کیشی اهالی احساساتی‌نی خدشه‌دار قیلگن و حاضرده پولیس نظارتی‌گه دیر.
اجتماعی ترماقلرده نشر قیلینگن ویدیو ده محمدزلمی نبوت ادعاسینی قیله‌دی و اوزنی آخرالزمان پیامبری تانیتیب و اهالی عقیده‌سینی اوزگرتیریش اوچون سعی و حرکت قیله‌دی.
