بوگون «دوشنبه» هرات ولایتیده صنعت‌دن یوقاری ناملنگن عقل‌دن آزگن و ناگران باله‌لرنینگ بیرینچی کورگزمه‌سی یولگه قوییلدی.
اوشبو کورگزمه‌نی یولگه قویگن و ناگرانلرنینگ آسایشته‌لیک مسؤولی عبدالعلی بارکزی‌نینگ ایتیشیچه، اوشبو کورگزمه‌ده ناگران باله‌لرنینگ کوچلرینی کورسته‌دیگن 1000 اثر عقل‌دن آزگن و ناگران بولگن 100 باله آرقه‌لی تیارله‌نیب و کورگزمه‌ده قوییلگن.
بو کورگزمه‌ده بیر ییل‌دن بویان ناگران و عقل‌دن آزگن باله‌لر آرقه‌لی تیارلنگن نقاشلیک تابلولر، خطاطلیک چیزمه‌‌لری، لایدن توزه‌لگن قول صناعت‌لری، اویین‌چاقلر، قول صناعتی‌نی تورلری، مونچاق تیکیش، تزیینی اسباب‌لر، قول بیلن تیکیلگن کییم‌لر و شونینگدیک، باشقه اثرلر کورگزمه‌ده نمایش ایتیلگن.
اونگه کوره، بو کورگزمه‌ده یالغیز صنعتی اثرلر کورستیلمه‌گن؛ بلکیم بو اثر توزه‌لیشی عقل‌دن آزگن‌لر و ناگرانلرنینگ کوچسیزلیگی‌نی برطرف قیلگن و شو یوزه‌دن بو کورگزمه صنعت‌دن یوقاری ناملنگن.
اوشبو کورگزمه‌ده کوچلرینی کورستگن ناگران باله‌لردن بیرقطاری، بونده‌ی کورگزمه یولگه قوییلگنیدن خرسندلیک بیلدیره‌دیلر.
اولرنینگ ایتیشیچه، اثرلرینی اوستیگه نیچه آی ایشله‌گن‌لر و اثر ایشلب چیقاریش‌دن زیریکمه‌یدیلر.
بو کورگزمه‌ده هرات حاکمی‌نی اجتماعی اورین باسری مونسه حسن‌زاده، ناگران باله‌لرنینگ خلاقیتی اوستیگه تأکیدلب و هرات ولایتی‌نینگ پیر قوریلمه‌سیده باله‌لر اوچون ایریم قولی‌لیک‌لر یره‌تیلیشی‌دن خبر بیرگن.
