لندن هجومی‌ده 6 کیشی هلاک بولدی. حمله‌ده 48 کیشی یره‌لنگن.
لندن شهری (اسکاتلندیارد) پولیس مسووللری، مذکور شهر نینگ مرکزیده یوز بیرگن هجوم‌ده 6 کیشی قربان بولگن‌لیگینی تصدیق ایتدی. 3 هجومچی پولیس تامانیدن نابود قیلینگن لیگی ایتیله‌دی.
لندن شهری پولیسی، شنبه‌دن یکشنبه گه اوتر کیچه‌سی وَن تیپلی بیر موتر شهرده‌گی «لندن بریچ»ده پیاده کیته‌دیگنلرگه اوزینی کیلتیریب اورگن دیدی.
پولیس اوچ هجومچی موتردن توشیب آلیب حادثه یوز بیرگن محل «بارو مارکیت» یقینی‌ده آدملرگه پیچاق بیلن هجوم قیلگن لیگینی ایته‌دی.
لندن پولیسی، واقعه‌ده 6 نفر هلاک بولگن لیگینی اعتراف قیلگن.
لندن شفاخانه‌سی نینگ مسووللری، حادثه ییریدن تن جرحتی آلگن 48 کیشی کسلخانه‌گه آلیب کیلینگن لیگینی تیل‌گه آلگنلر.
بریتانیا باش وزیری ترزامی، اوشبو حادثه‌نی «آغیر بیر واقعه» دییه معلوم قیلگن.
اوشبو هجوم بوندن ایکّی هفته آلدین بریتانیا نینگ منچستر شهریده یوز بیرگن قانلی واقعه‌دن کیین صادر بولماقده. مذکور حادثه‌ده 22 کیشی هلاک بولیب باشقه 52 نفر ایسه یره‌لنگن ایدی.
