د افغانستان د ازادو رسنیو ملاتړ ادارې یا «نی» موندنې ښيې چې ۸ سلنه رسنۍ د خپلو کارکوونکیو میاشتني معاشونه پهخپل وخت نهورکوي او ان ځېنې رسنۍ د خبریالانو یو کلن معاش نهدی ورکړی.
د نی رییس مجیب خلوتګر خبرداری ورکوي، که د رسنیو خاوندان د خپلو کارکوونکیو معاشونه پهخپل وخت ورنهکړي؛ نومونه به يې افشا کړي.
داسې ښکاري چې د خبریالانو معاشونو کې ځنډ یا نه ورکول؛ هغوی ته سپکاوی پورې تړاو لري؛ د نی دفتر د وړاندې کړیو شمېرو پر بنسټ، د ۹۶ کال په پرتله د ۹۷ کال په وروستیو درېیوو میاشتو کې خبریالانو ته د سپکاوي پېښې ۹ سلنه، د وهلو ـ ډبول هغه ۳۶ سلنه او د ګواښ پېښې ۲۰ سلنه زیاتې شوېدي.
