افغانستان بوییچه ناتو تشکیلاتی نینگ ملکی ایلچیسی نیکولاس کی، کیله‌جک جمهورلیک ریاستی سیلاوی خصوصیده بولگن سُست و چیگل تیارگرلیک‌لردن خواطر بیلدیرگن.
سلام‌وطندارگه خاص صحبت بیرگن نیکولاس کی نینگ ایتیشیچه، جمهورلیک ریاستی سیلاوی اوچون تیز دیر و بو سیلاو خصوصیده بولگن تیارگرلیک‌لر جوده سُست و بو سیلاوده بایومتریک اسکونه‌لریدن فایده‌لنیش جوده هم چیگل دیر.
جناب کی نینگ ایتیشیچه، نماینده‌لر کینگشی سیلاویده یوز بیرگن کم‌چیلیک‌لر جمهورلیک ریاستی سیلاویده ینه بیر بار یوز بیریشی توغریسیده خواطر بیلدیره‌دیلر.
ناتو تشکیلاتی ملکی ایلچیسی نینگ ایتیشیچه، جمهورلیک ریاستی سیلاویده ناتو تشکیلاتی نینگ اساسی مسؤولیتی امنیتی کوچلرگه مصلحت بیریش، یاردم بیریش و تعلیمات چارچوبه‌سیده قالیشی ممکن. او، اوروش موسومی ده آواز بیریش مرکزلریده امنیتی کوچلر توپله‌نیشیدن خواطر بیلدیره‌دی.
تینچلیک خصوصیده ناتو تشکیلاتی ملکی ایلچیسی نینگ ایتیشیچه، تینچلیک‌که ایریشیش اوچون کوپینچه قیین‌چیلیک‌لر و چیگل‌لیک‌لر موجود؛ بیراق او، بو موضوع تینچلیک‌که ایریشیش خصوصیده اینگ یخشی فرصت بولگنی گه ایشانه‌دی.
شونینگدیک، افغانستان قوشنی‌لری تینچ و کوچلی بیر افغانستان اولرنینگ منفعتی گه بولگنینی توشونگن‌لر.
اونینگ ایتیشیچه، اینگ اساسی قیین‌چیلیک افغانستان حکومتی بیلن مذاکره قیلیش‌ده طالبان گروهی حاضر بولمه‌گنی دیر.
نیکولاس کی، کوچلی بیر جماعت تشکیل ایتیلیشی دن خبر بیریب ایتیشیچه، بو موضوع ده افغانستان انحصاری رول ایمس، بلکیم کلیدی رول اوینه‌شی توغریسیده سعی و حرکت قیلینه‌دی. ناتو ایلچیسی گه کوره، طالبان گروهی تامانلر بیلن سلیقه‌یی شکلده یانده‌شه آلمه‌یدی.
