نیمروز ولایتی‌نینگ مخدرماده‌لرگه قرشی کورشه‌دیگن ریاست باشلیغی همایون امینی‌گه کوره، مخدرماده‌لریگه چلینگن‌لرسانی 4 مینگ کیشی‌گه ییتردی و هرکون اوتیشی بیلن بولرسانیگه آرتیب بارماقده.
جناب امینی‌نینگ ایتیشیچه، تیکشیروولری اساسیده بو 4 مینگ کیشی ارا عیاللر و باله‌لرهم موجود.
شونینگ‌دیک نیمروز مخدر ماده‌لریگه قرشی کوره‌شیش اداره باشلیغی‌نینگ بیلدیریشیچه، بنگی‌وار ماده‌سیگه چلینگن‌لر مداوا قیلیش اوچون حرکت بولگن.
اما ولایت عیاللر اداره‌سی باشلیغی‌گه کوره، مذکور ولایت بنگی‌وارماده‌سیگه چلینگن‌لرسانی 60 منیگ کیشی‌دن آشه‌دی.
نیمروز ولایتی عیاللر ریاستی باشلیغی آمنه حکیمی هم عیاللر و باله‌لردن بنگی‌وارماده‌سیگه چلینگن‌لیگی‌نی تأیید قیلیب، بو معتادلر انیق سانی قولیده ایمس‌لیگی‌نی بیلدیره‌دی.
خانم حکیمی‌نینگ سلام‌وطندار بیلن قیلگن صحبتی‌ده ایتیشیچه، ولایت ایریم منطقه‌سیده جایلشگن قبرستان و اویلگن اویلرده، عیاللر گروهی شکلی‌ده ییغیلیب بنگی‌وار ماده‌سیدن استفاده قیله‌دیلر.
شونینگ‌دیک اوشبو ولایت عیاللر باشلیغی‌نینگ بیلدیریشیچه، ایران اولکه سیدن قیتیب کیلگن عایله‌لردن کوپیسی مخدر ماده‌سیگه چلینگن‌لیگی بیلدیریله‌دی.
نیمروز عیاللر اداره باشلیغی، عیاللرنی بنگی‌وارماده‌لرگه روی کیلتیریش دلیلی، قشاق‌لیک و ایش سیزلیک‌لر دیب عنوان قیله‌دی و عیاللرگه ایش زمینه‌سی یره‌تیلیشی اوچون کوره‌شیشلریدن خبر بیره‌دی.
خانم حکیمی‌گه کوره، بیرینچیدن ایش زمینه‌سی یره‌تیش، عیاللر مهارتینی قول صنعتی بوییچه یوقاری کوتریشی ایتیلگن.
اونینگ ایتیشیچه، عیاللرگه ایش زمینه‌سی یره‌تیلگن صورتده باشقه مخدر ماده نینگ چکیشدن چیکینه‌دیلر.
حکیمی نینگ کوپه‌یتیریشیچه، اوشبو بنگی‌وار ماده‌سیگه چلینگن‌لر مداوا قیلیش اوچون بیرچاغده 10 کسلنی اوزیگه آله‌دیگن فقط بیر کسل خانه اخیتیارلریگه بار و خلاص.
او، اوشبو کسل‌خانه بیرچاغده 50 کیشینی اوزیگه آله‌دیگن بولگن بیرصورتده، عیاللردن بنگی‌وارماده‌سیگه چلینگن‌لرسانی آزه‌یشی ممکن دیگن.
بوشوپیت‌ده بوله‌دی که شو یقین پیت‌ده اوشبو ظرفیت بیلن بیرکسل‌خانه توزه‌تیلماقده.
نیمروز ولایتی یریم میلیون نفوسنی اوزیگه آلگن. بو ولایتده کوکنار و باشقه بنگی‌وارماده‌لر ایکیلمه‌یدی، بیراق بو ولایتده مخدرماده‌لری نینگ قاچاق بولیشی سبب، باشقه ولایتلرگه قره‌گنده، بوییرده مخدرماده دن ایش آلینیشی 3 برابر یوقاری کورسه‌تیلگن.
