.jpg)
د جزا نړیوالې محکمې د ریپوټونو پربنسټ دغې محکمې د افغانستان د جګړې قربانیانو د شکایت ۱۸۰ فورمې ثبت کړي دي.
د انتقالي عدالت همغږۍ ډلې غړی او د بشري حقونو په برخه کې نړیوال څېړونکی احسان قانع سلاموطندار ته وايي، په دغو فورمو کې د افغانستان د جګړې له یو نیم میلیون زیاتو قربانیانو لهپاره د عدالت غوښتنه شوې ده.
هغه وویل، زیاتره شکایت کوونکي په افغانستان کې د دغې محکمې د حضور غوښتنه کوي.
ښاغلی قانع زیاتوي، څېړنې ښيي، چې د جزا نړیواله محکمه هوډ لري د قربانیانو شکایتونه وڅېړي.
د نړیوالو بشري حقونو دغه څېړونکی، د جزا نړیواله محکمه د بشر ضد جرمونو، دغو بشري ضد دوسیو ته د حکومتونو نه لاسرسي، د جګړې قربانیانو هېواد کې د دغې محکمې حضور لهپاره د غوښتنې او د جرایمو پراخې کچې پر بنسټ عمل کوي.
.JPG)
په افغانستان کې د انتقالي عدالت همغږې کوونکې ډلې غړو په وینا، د افغانستان د جګړې قربانیانو شکایتونو ته د جزا د نړیوالې محکمې لاسرسی لامل کېږي، چې هېواد کې د بښنې فرهنګ پای ته ورسېږي.
د جزا نړیوالې محکمې د ۲۰۱۷ کال نوامبر میاشت کې په خبرپاڼه کې ویلي و،
د هغوی لومړنۍ څېړنې ښيي، چې په افغانستان کې د بشریت پر وړاندې د جنایت او جنګي جنایتونو په اړه د څېړنو لهپاره اړین معیار او شرایط برابر دي.
دغې محکمې هغه مهال ویلي و، قربانیان فرصت لري چې د ۲۰۱۸ کال د جنوري میاشتې تر پایه خپل شکایتونه له دغې محکمې سره ثبت کړي.
