ننگرهار ولایتی‌نینگ محلی بلند مرتبه‌لی رسمی‌لری، اخیرگی کونلرده داعش رادیوسی بو ولایتده اوزبیکچه یایین بیریش‌گه باشله‌گن دیگن‌لر. رسمیلرنینگ سوزلریگه کوره، داعش رادیوسی‌نینگ اوزبیک تیلی‌ده بیریه دیگن دستوری «شیران خلافت» نامی‌ده باشلگن.
اچین تومنی نینگ ولسوالی حاجی غالب مهاجدنینگ سلام‌طندارهگه ایتیشیچه، مذکور رادیونینگ اوزبیک تیلی‌ده بیره دیگن دستورلری بیر کیچه و کندوزده اوچ بار نشر بوله‌د‌ی.
ایرتلبکی دستوری 7:30 دن 8:30گچه و توشدن سونگ دستوری وقفه‌یی شکلده ایکی ساعت ایفرگه بیریله‌دی.
شونینگ‌دیک ولایت شینوای تومنی‌نینگ بیر قنچه یشاووچی‌لری نینگ سلام وطندارگه بو خبرنی تصدیق‌لب، اوزبیک تیلی‌ده بیریله دیگن دستورنینگ اساسی قسمی اوزبیک تیلی‌ده سوزلیدگن بو گروه نینگ اعضالری دیگن‌لر.
گزارشلرده ایتیلیشیچه، مذکور رادیو اف ام تولقین‌ل‌لریده هوا موج لریگه بیریله‌دی.
ایتیلیشیچه، داعش مذکور رادیو ترماق آرقه‌لی افغانستان دولتی برابریده اعلامیه‌لر نشر قیلیب یاش‌لرنی اوشبو گروه‌گه کیریش‌گه ترغیب قیله‌دی.
عین حالده، اوتگن ییل دسمبر آییده ننگرهار محلی رسمی‌لری شامل مملکت مخابرات وزیرلیگی داعش بو ولایتده رادیو تاسیس ایتگن لیگینی تصدیق‌له‌گن ایدیلر. اما، جاری ییل باش‌لریده بو رادیو نابود ایتیلگنی ایتیلگن ایدی.
لیکن، هنوزگچه مذکور رادیو قنده‌ی بولیب، قیته قوریلگن لیگی معلوم ایمس.
