ننگرهار محلی مسئوللری نینگ ایتیشلریچه، بو ولایت نینگ خوگیانی تومنیده ایکی عایله آره‌سیده یوزبیرگن آتیشمه‌ده، 9 کیشی هلاک و باشقه 4 کیشی یره‌لنگن.
سلام‌وطندارگه صحبت بیرگن ننگرهار حاکمی سوزلاوچیسی عطاالله خوگیانی نینگ ایتیشیچه، مذکور آتیشمه انور و وریشیمن عایله‌سی آره‌سیده یوزبیرگن کیم نتیجه‌ده، انورنینگ 5 عایله اعضاسی و وریشمین نینگ 4 عایله اعضاسی هلاک ایتیلگن.
اونگه کوره، مذکور عایله‌لر بیرینچی‌ده لفظی تارتیشوو قیلگن و اوندن کیین بیر بیراولری اوستیگه اوق آتگنلر.
جناب خوگیانی نینگ کوپه‌یتیریشیچه، شونینگدیک مذکور حادثه‌ده 4 کیشی یره‌لنگن کیم اولرنینگ آره‌سیده باله‌لرهم شامل دیر.
بیراق آتی فاش ایتیلیشی نی ایستمه‌گن خوگیانی تومنی یشاوچیلریدن بیری نینگ سلام‌وطندارگه ایتیشیچه، مذکور آتیشمه بیر عیال اوستیگه یوزبیرگن.
اونینگ کوپه‌یتیریشیچه، اوشبو عایله‌لر بوندن آلدین هم نیچه مرته بیر بیراولری بیلن اوروشگن ایکنلر.
