ننگرهار ولایتی کینگش اعضاسی اجمل عمرنینگ ایتیشیچه، ننگرهار حاکمی شاه‌محمود میاخیل داعش پروژه‌سینی ایلگری آلیب باریش اوچون بو ولایت ده تعیین ایتیلگن و امنیت تامین ایتیلیشی‌نی ایستمه‌یدی.
جناب عمرگه کوره، ننگرهار حاکمی او بیلن مناظره‌گه حاضر بولگن صورتده، کوپراغ حجت‌لرنی میدیالر اختیاریگه قرار بیره‌دی.
بیراق ننگرهار حاکمی شاه‌محمود میاخیل نینگ ایتیشیچه، ولایتی کینگش اعضاسی اجمل عمرنی فسادگه قولی بار و انه‌شو باعث، اونگه فشار کیلتیریش اوچون سعی و حرکت قیله‌دی.
جناب میاخیل گه کوره، ننگرهار ولایتی کینگش اعضاسی اجمل عمر شیرزاد تومنیده کانلرنی قانون‌سیز شکلده چیقاره‌دی.
ننگرهار حاکمی نینگ کوپه‌یتیریشیچه، اجمل عمر بیلن مناظره قیلیش وقت‌نی ضایع قیلیش دیر و آق بیلن قاره‌نی اجره‌تیش عدلی و قضایی نهادلرنینگ مسوولیتی دیر.
ننگرهار ولایتی کینگش اعضالری ایکی کون آلدین بیر خبری ییغین آرقه‌لی، اوشبو ولایت حاکمی‌نی امنیت‌نی تامین قیلیش‌گه ناکام بیلگن ایدیلر، بیراق حاضرده اجمل عمر بو عیب‌لرنی بیان قیله‌دی.
