بوگون «چهارشنبه» نماینده‌لر کینگشی قویاش 1397- ییل‌نی رواجلنتیریش پروژه‌لری توغریسیده ساغلیق‌نی سقلش وزیری، قیشلاقلرنی کینگه‌یتیریش و رواجلنتیریش وزیری، فواید عامه وزیرلیگی‌نینگ سرپرستی، معارف وزیرلیگی‌نینگ مالی و اداری اورین باسری و شهر قوریش وزیرلیگی‌نینگ سرپرستی‌نی نماینده‌لر کینگشی گه استجواب قیلگن.
نماینده‌لر کینگشی‌نینگ استجوابیه ییغینده بیرینچی‌دن قیشلاقلرنی کینگه‌یتیریش و رواجلنتیریش وزیری مجیب‌الرحمن کریمی، مذکور وزیرلیک‌نینگ سوو ییتکزیش، بدرغه‌لرگه یاردم بیریش، قیشلاقی صنعت‌لرنی رواجلنتیریش، قالین توقیش بولیمی‌ده ایش‌گه زمینه یره‌تیش و ایشی یکونلنه‌دیگن پروژه‌لر خصوصیده، قیلگن ایش‌لری توغریسیده معلومات بیرگن.
کریمی گه کوره، سوو ییتکزیش بولیمی‌ده 4.3 میلیون دالر ارزشی گه 64 پروژه یکونلنگن و بو پروژه‌لر محصولات میزانی آشیشی گه یاردم بیره‌دی.
قیشلاقلرنی کینگه‌یتیریش و رواجلنتیریش وزیری‌نینگ ایتیشیچه، جاری ییل‌ده 53 عدد سیل‌بر توزه‌لگن و بوزیله‌دیگن 2795 متر جاده قیته قوریلگن و شونینگدیک، برق، یشاوچیلر شرطنامه‌سی و باشقه نیچه پروژه یکونله‌نیب و فایده‌لنیش گه تاپشیریلگن؛ بیراق باشقه سوو ییتکزیش بولیمی‌ده 1122 پروژه‌نی ایشی دوام ایتماقده.
شهر قوریش وزیرلیگی‌نینگ سرپرستی روشان ولسمل‌نینگ ایتیشیچه، اوقیتووچیلر، ناگرانلر و شهیدلر اوچون شهرچه‌لر قوریلیشی و شونینگدیک، نمایشی نمره‌لر ترقه‌تیلیشی توغریسیده عملی ایش‌لر بولگن.
ولسمل گه کوره، کمیده 100 مکتب زمانه‌وی شکلده قوریلگن و ییل آخریگچه فایده‌لنیش گه تاپشیریله‌دی.
ولسمل نینگ کوپه‌یتیریشیچه، 8 کته ولایت‌نینگ ماسترپلانی هم یکونلنگن و تیزلیک‌که اولرنی عملی ایشی هم باشلنه‌دی.
نماینده‌لر کینگشی اعضالری‌نینگ خواطرلریگه جواب ساغلیق‌نی سقلش وزیری فیروزالدین فیروزنینگ ایتیشیچه، کوپینچه ولایت‌ده ساغلیق‌نی سقلش مرکزلر و کسلخانه‌لرنی تمل تاشی قوییلگن. جناب فیروزگه کوره، ناتینچلیک اولرگه قرشی اینگ کته قیین‌چیلیک سنله‌دی و ایریم پیت‌لر ساغلیک خذمت‌لرینی قیین‌چیلیک‌که دوچار قیله‌دی.
شونینگدیک، فواید عامه وزیرلیگی‌نی اورین باسری نعمت‌الله حیدری‌نینگ ایتیشیچه، 270 پروژه اجرایی باسقیچی‌ده قرار تاپگن و بو جمله‌دن سالنگ تونلی‌نی قیته‌قوریش، نورستان ولایتی‌نینگ جاده‌سی، کابل‌نینگ حلقوی سرکی و کابل-تورخم دهلیزی‌نی قوریلیش ایش‌لری ایکینچی باسقیچ گه ییتیشگن و بولر قویاش 1397- ییل‌ده فواید عامه وزیرلیگی‌نینگ اساسی ایش‌لری سنله‌دی.
عین حالده، نماینده‌لر کینگشی اعضالریدن بیرقطاری، وزیرلرنینگ گزارش بیریش طریقه‌سیدن تنقید قیلگن‌لر. نماینده‌لر کینگشی باشلیغی عبدالرؤوف ابراهیمی، وزیرلیک‌لردن ایش‌لری توغریسیده بولگن گزارش‌لرینی کتبی شکلده نماینده‌لر کینگشی‌نینگ کاتب‌خانه‌سیده تاپشیریش‌لرینی طلب قیلیب و کمیسیون‌لرده اوستیگه بحث بولیشی‌نی بیلدیردی.
