نماینده‌لر کینگشی اعضالری تامانیدن باله‌لردن حمایت قیلووچی قانون نینگ تصدیق‌لنگنی بیرقطار جنجللر بیلن روپه‌ره بولگن ایدی. اوشبو کینگش اعضالریدن بیرقطاری بو قانونی اسلام دینی‌گه قرشی عنوان قیلیب و باشقه بیرقطاری ایسه مذکور قانون باله‌لردن حمایت قیلیش مقصد ده تصدیق‌لنگنینی بیلدیرگنلر.
باله‌لردن حمایت قیلووچی قانون نینگ 3- ماده‌سی جنجلی ماده‌لردن بیری دیر، مذکور ماده‌گه کوره، 18 ییل‌نی تکمیل قیلمه‌گن کیشی باله دیر.
بو قانون خصوصیده جنجللر کوپه‌یگنی باعث، باله‌لردن حمایت قیلووچی قانونی نینگ تصدیق‌لنیش جریانی‌نی تیکشیریلیشی اوچون بیر هیات تعیین ایتیلدی.
نماینده‌لر کینگشی اعضاسی حمیدالله بیگ نینگ مذکور هیات گزارشی‌نی ترقه‌تیش جریانیده ایتیشیچه، کینگش نصابی آواز بیریشدن آلدین سیندیریلگن ایکن و انه‌شو سبب، بو قانون بیکار اعلان ایتیله‌دی.
نماینده‌لر کینگشی نینگ بیرینچی اورین باسری امیرخان یاری نینگ ایتیشیچه، اساسی قانون نقض ایتیلگنی و آواز بیریش جریانیده نصاب تکمیل بولمه‌گنی باعث، باله‌لردن حمایت قیلووچی قانون بی بیکار اعلان ایتیله‌دی و بو قانون قیته‌دن آواز بیریش‌گه قوییله‌دی.
باله‌لردن حمایت قیلووچی قانون جاری ییل 18 قوس‌ده 16 فصل و 108 ماده‌گه نماینده کینگشی تامانیدن تصدیق‌لندی.
