نماینده‌لر کینگشی‌نینگ بوگونکی عمومی ییغینی‌نی لایحه‌سی تینچلیک و ناتینچلیک مسئله‌سی ایدی. اوشبو ییغینده نماینده‌لر کینگشی اعضالریدن بیرقطاری‌نینگ ایتیشیچه، افغانستانده تینچلیک‌که تیگیشلی قوریلگن نیچه اداره دن هیچ بیری دییرلیچه بیر یوتوق قولگه کیریتمه‌گن. اولر تینچلیک عالی کینگشی لغو ایتیلیشی‌نی سور‌ه‌گن‌لر. اولرنینگ ایتیشیچه، بو کینگش مملکت‌ده تینچلیک‌نی تأمین‌له آلمه‌یدی.
نماینده‌لر کینگشی اعضاسی جعفر مهدوی‌نینگ ایتیشیچه، تینچلیک عالی کینگشی حکومتی و جمهور رییس‌نینگ بویروغی‌ده دیر. اونگه کوره، اوشبو کینگش‌ده ایشله‌یدیگن‌لرنینگ اوزلری قیین‌چیلیک‌نی بیر بولیمی دیر.
نماینده‌لردن باشقه بیری شهزاده شاهد، تینچلیک تأمین‌لنیشی خصوصیده حکومت‌نینگ اراده‌سینی سوراقلی و اوشبو لایحه برابریده تینچلیک عالی کینگشی‌نی توسیق دیب بیله‌دی.
عین حالده، نماینده‌لر کینگشی‌نینگ بیرینچی اورین باسری همایون همایون‌نینگ اییتشیچه، تینچلیک عالی کینگشی‌نینگ دفتری جمهور رییس غنی‌نینگ سیلاو کمپاینی دفتری گه اوزگرگن.
جناب همایون، مجلس کمیسیونلری و پارلمانی گروه‌لرگه تینچلیک ریجه‌سی تیارله‌نیشی اوچون هر گروه بیر کیشی‌نی تعیین قیلیشی توغریسیده بویروغ بیردی.
شونینگ‌دیک، نماینده‌لر کینگشی‌نینگ بیرینچی اورین باسری، حکومت‌دن طالب‌لر بیلن بوله‌دیگن تینچلیک ریجه‌سینی نماینده‌لر کینگشی اعضالری‌نینگ اختیاریده قوییشی‌نی طلب قیلدی.
بیزلر بوتوغریده تینچلیک عالی کینگشی‌نینگ فکرینی اورگه‌نیش اوچون علاقه قوردیک، بیراق کیین‌مه کیین سعی و حرکت نتیجه‌سیده مؤفق بولمه‌دیک.
تینچلیک عالی کینگشی‌نینگ ایشلری بوندن آلدین هم تنقیدلرگه دوچ کیلیب و مدنی فعال‌لر ایسه، لغو ایتیلیشی‌نی سوره‌گن ایدی.
