بوگون نماینده‌لر کینگشی‌نینگ اعضالری، کینگش کاتبی تنلنیشی توغریسیده آواز بیردیلر. نماینده‌لر کینگشی‌نینگ کاتب‌لیگی گه میرداد نجرابی و عبدالقادر زازی وطندوست نامزد ایدیلر و آواز بیریش نتیجه‌سیده، جناب نجرابی 110 ایجابی آواز قولگه کیریتیب کاتب صفتیده تنلندی.
جناب نجرابی یوتوققه ایریشیشی بیلن نماینده‌لر کینگشی‌نینگ 16- دور اداری هیأتی توگلدی.
نماینده‌لر کینگشی‌نینگ 16- دور اداری هیأت سیلاویده بیرینچی اورین باسرلیک اوچون همایون همایون و نذیر احمدزی کاندید بولگن‌لر و نتیجه‌ده جناب همایون یوتوققه ایریشگن و شونینگ‌دیک، ایکینچی اورین باسرلیک اوچون امیرخان یار و شیخ نعمت‌الله غفاری کاندید بولگن‌لر و نتیجه‌ده جناب یاری غلبه قازانگن.
نماینده‌لر کینگشی‌نینگ اداری هیأت سیلاوی ییل‌ده بیر مرته یولگه قوییله‌دی و هر ییل نماینده‌لر کینگشی‌نینگ بیر هفته‌لیک ایشی‌نی اوزیگه اختصاص بیره‌دی. بیراق نماینده‌لر کینگشی‌نینگ اوتگن دور اداری هیأتی، کوپینچه قره‌مه قرشی‌لیک‌لرگه روپه‌ره بولیب و شو یوزه‌دن نماینده‌لر کینگشی اعضالری و مملکت یشاوچیلری‌نینگ جدی تنقیدلریگه روپه‌ره بولدی.
