میدان وردک ولایتی نینگ قطار نماینده‌لری بوگون ملی کینگش‌ده مذکور ولایت‌نینگ اوچ ولسوال‌لیگی قوراللی طالب‌لر تصرفی‌گه اوتیشی‌دن خبر بیرگن‌لر.
سنا مجلسی‌ده سوزله‌گن ولایت‌نینگ نماینده‌سی حسیب‌الله کلیم‌زی نینگ ایتیشیچه، جغتو، سیدآبا و دایمیرداد ولسوال‌لیک‌لری طالب‌لر تامانیدن قتیق تهدید ایتیله‌دی. کلیم‌زی، مساله اوچون جدی اعتبار قره‌تیلمه‌گن حالده، تیزلیک‌ده مذکور ولسوا‌ل‌لیک‌لر طالب‌لر تصرفی‌گه اوته‌دی دیگن.
جناب کلیم‌زی، نابرقرارلیک‌لر سبب مذکور ولسوال‌لیکلرنینگ کوپچی‌لیک خادم‌لری ایش‌دن قول کوتارگن‌لر. بو مساله دولت بیلن حکومت اورته‌سیده کوپراق فاصله ایجاد قیلگنی ایتیله‌دی.
نماینده‌لر مجلس‌ده مذکور ولایت‌نینگ وکیلی عبدالمجید وردک نینگ سوزلریگه کوره، سونگی بیر نیچه آیدن بیری بو ولایت‌ده خوفسیزلیک میزانی سیزیلرلی درجه‌ده آشگن.
عین‌حالده، ملی مدافعه وزیرلیگی سوزلاووچی‌سی نینگ اورین باسری دولت وزیری سلام وطندار بیلن تیلفونی باغله‌نیب، ملی کوچلر مذکور ولایت‌نینگ برچه ولسوال‌لیک‌لریگه ییرلشگن‌لیک‌لرینی ایتگن.
او، هیچ بیز زمان دولت قوراللی مخالف‌لریگه فعالیت قیلیش اوچون رخصت بیریلمس‌لیگی‌نی ایتگن.
یقین‌ده میدان وردک ولایت والی‌سی ایتیب تعین‌لنگن حیات‌الله حیات، ایشی نینگ بیرینچی کونی‌ده امنیت تامین ایتیلیشی، اداری فسادگه قرشی کوره‌شیش و مذکور ولایت نینگ تیزمی‌گه اصلاحات کیرتیش قیله‌جک بیرینچی ایشلریدن بولگن لیگینی ایتگن ایدی.
میدان ولایت افغانستان نینگ مرکزی ولایت‌لری جلمه‌سیدن. بو ولایت شرق‌ده لوگر و کابل، غرب‌دن بامیان و جنوب‌دن ایسه غزنی شونینگ‌دیک شمال آرقه‌لی پروان ولایت‌لری بیلن چیگره‌داش دیر.
