قوراللی طالبلرنینگ رهبری ملا منصور پاکستان توپراغیده اولدیریلگن لیگی بارهسیده اشاره قیلگن افغانستان ملی مجلسی نینگ بیر قطار اعضالری، بو واقعه رسمی اسلام آبادنی افغانستان ایچکی ایشلریگه ارهلهشیشی اوچون یقال مثال دیگنلر.
نمایندهلر مجلسینینگ باشلیغی عبدالرووف ابراهیمی بوگون (دوشنبه) مجلسنینگ عمومی ییغینیده گپیریب، دنیا جماعه چیلیگیدن بیرلشگن ملتلر تشکیلاتینینگ قانونیگه موافق ترورچی لر مسالهسی اوچون پاکستان بیلن جدی یاندهشیشنی سورهگن.
نمایندهلر مجلسینینگ اعضاسی عبیدالله بارکزی، قوراللی طالبلرنینگ عمومی مرکزی پاکستانده جایلشگن دیب و بو حرکت ایسه پاکستان استخبارات ادارهسی آرقهلی دستکلنهدی دیدی.
جناب بارکزی حکومت دن، رسمی اسلام آبادنینگ کابل ایشلریگه ارهلهشیشی اوچون رسماً بی می تی گه شکایت قیلیشنی سورهگن. شونینگدیک او، ملا منصور اولدیریلیشی بیلن جنگری طالبلر کوچسیزلنمیدی دیگن.
پارلمان نینگ باشقه بیر اعضاسی شینکی کروخیل، دنیا جماعه چیلیگی پاکستان حکومتی نینگ افغانستان دولتی برابریده بولگن ایکّی تامانلمه سیاستیدن خبردار بولیب، اسلام آباد مقابلیده جدی بولیشنی طلب قیلگن.
بوندن ایکّی کون آلدین امریکه مدافعه وزیرلیگی (پنتاگون) جنگری طالبلرنینگ رهبری اولتیرگن موتر پاکستان توپراغیده امریکه نینگ اوچوچیسیز باشقریله دیگن اوچاغی آرقهلی نابود ایتیلگنلیگینی اعلان قیلگندی. لیکن، اونینگ بو هجوم نابود بولگنی هنوز هم انیق ایمس.
بوگون ویتنام ده سوزله گن امریکه قوشمه ایالتلرینینگ جمهور رییسی بارک اوباما، طالباننینگ رهبری پاکستان توپراغیده اقشنینگ اوچوچیسیز باشقریله دیگن طیارهلری طفیلی هوا دن بیریلگن ضربه نتیجهسیده اولدیرلیگنلیگینی تصدیق لهدی.
