ناگران‌لر و شهیدلرنینگ عایله‌لریدن حمایت قیلووچی اداره مسووللری‌نینگ ایتیشیچه، افغانستانده ناگران باله‌لر و عیاللردن 75% تعلیمات و دولت خذمت‌لریدن محروم قالگن و جدی همکارلیک‌لرگه نیازی بار.
بوگون "دوشنبه" ناگران‌لر و شهیدلرنینگ عایله‌لریدن حمایت قیلووچی اداره باشلیغی لعل‌الدین اریوبی نینگ بیر خبر ییغین آرقه‌لی ایتیشیچه، مملکت یشاوچی‌لریدن 10.8% ناگران بولیب و بو جمله‌دن 2.8% نینگ ناگران‌لیگی جدی دیر.
جناب اریوبی‌نینگ ایتیشیچه، ناگران باله‌لر و عیاللردن 75% تعلیمات و دولت خذمت‌لریدن محروم قالگن.
افغانستانده دوام‌لی اوروش‌لر باشقه زیان‌لر چکه‌سیده، میلیونلرچه کیشی‌نینگ ناگران بولیشی‌گه سبب بولگن و حاضرگه‌قدر ناگارن‌لرنینگ قیینچیلیکلرینی حل قیلیش اوچون سعی و حرکت ایتیلمه‌گن.
ناگران‌لر و شهیدلرنینگ عایله‌لریدن حمایت قیلووچی اداره مسووللری‌نینگ ایتیشیچه، مملکت ناگران‌لریدن 59% نی ایرکک‌لر و 41% نی عیاللر تشکیل بیره‌دی.
