قشاقلیک و چاره‌سیزلیک باعث محمدایوب جان، ناقانونی مهاجرلیک آرقه‌لی تشقی مملکتلر تامان یول آلیش گه قرار آلدی.
اوتگن ییل خوست یشاوچیسی بولگن محمدایوب جان ایش و بیر آغیز نان گه قول تاپیش اوچون ناقانونی مهاجرلیک آرقه‌لی ایران تامان یول آلدی. اونینگ اورتاق‌لری ایران دن یخشی و چرایلی صورتلر یوباریش بیلن، ناقانونی مهاجرلیک آرقه‌لی بو مملکتده کیلیش اوچون اونینگ ترغیب قیله‌دیلر.
او کابل کیلدی و بو ییردن نیمروز کیتدی. بو یولده محمدایوب جان نی 400 کیشی همراه‌لیک قیله‌دی ایدی.
اونینگ ایتیشیچه، یول جریانیده یولداش‌لریدن 2 ته‌سی آچ‌لیک باعث جان بیردی. او، یولداش‌لری نینگ قولدن بیرگنی اوچون حزین‌لنگن کورینه‌دی، بیراق تیریک قالیب عایله‌سی نینگ یانیده حیات کیچیریشی اوچون خرسند دیر.
اونینگ ایتیشیچه، افغانستان اهالیسی تشقی مملکت‌لرده قتیق ایش‌لرنی آلغه آلیب باریشه‌دی، بیراق ییترلیچه پول قولگه کیلتیره آلمه‌سلیک‌که علاوه، ایش ایگه‌لری آرقه‌لی اهانت گه دوچ کیله‌دیلر.
او، ایران بارگنی اوچون پشیمان دیر. اونگه کوره، تشقی مملکت‌لرده ناقانونی مهاجرلیک آرقه‌لی کیلگن کیشیلرگه انسانی کوز بیلن باقیلمه‌یدی.
بو کیشی ایش ایگه‌سی آرقه‌لی حقوقی کوپ بولمه‌گنیدن کیین قیته‌دن افغانستان کیله‌دی.
محمد ایوب جان نینگ ایتیشیچه، ایران ده افغانستان‌لیک مهاجرلردن کوپینچه‌سی حبس بوله‌دی و شونینگدیک اولرنینگ تیریک یا-ده هلاک ایتیلگنی هیچ کیم گه بیللی بولمه‌یدی. او، مملکت ییگیت‌لریدن ناقانونی مهاجرلیک آرقه‌لی سفر قیلمه‌سلیک‌لرینی سوره‌یدی.
شو توغریده:
- ناقانونی مهاجرلیک؛ کونیگه 12 ساعت قودوق قازه‌دیگن ییگیت
ناقانونی مهاجرلیک؛ بیش کیچه-کوندوز نی اورمان ده اوتکزگن ییگیت
ناقانونی مهاجرلیک؛ یالغیز یوتقزووچیسی بولگن قمار
عین حالده، مهاجرلیک معلومات مرکزی مصلحتچیسی فریحه جبارخیل نینگ سلام‌وطندارگه ایتیشیچه، کونده کوپینچه کیشیلر اولر بیلن تلیفونی علاقه قوریب و قانونی مهاجرلیک نینگ یولی نی اَختره‌دیلر. اونینگ ایتیشیچه، اوشبو نهاد قانونی یوللر آرقه‌لی مهاجرلیک قیله‌دیگن کیشیلرگه مصحلحت بیریب و یولاوچی‌لیک قیله‌دی.
اوشبو مرکز نینگ ایتیشیچه، کرونا ویروسی کینگه‌یشی و دنیا چیگره‌لری باغله‌نیشی باعث، ناقانونی مهاجرلیک رقمی کمه‌یگن.
خوست ولایتی نینگ مهاجرلر باشلیغی محمدهاشم حلیم نینگ ایتیشیچه، کرونا ویروسی کینگهیگنیدن کیین ناقانونی مهاجرلیک آرقه‌لی قوشنی مملکتلر کیتگن کیشی‌لردن اونلرچه‌سی قیته‌دن افغانستان گه جونه‌تیلگن.
اونگه کوره، اهالی گه ناقانونی مهاجرلیک و اونینگ نتیجه‌‌سی توغریسیده معلومات بیریش، بو ریاست آرقه‌لی دوامی بار.
ناتینچلیک، قشاقلیک و یخشی بیر حیات گه ایریشیش عامللری باعث ییگیتلر ناقانونی مهاجرلیک‌که یوز کیلتیره‌دی.
