سونگی کونلرده میمنه-جوزجان قتناو یولیدن بیر بولیمی طالب‌لرنینگ نظارتی‌گه اوتگن و منطقه اهالیسی گه کوره، مذکور گروه ایریم پیت‌لر یولده تیکشیروو نقطه‌لر ایجاد قیلیب یولاوچیلرنی موتردن توشیریب اوققه توته‌دیلر.
بیر آی آلدین فاریاب ده یولگه قوییلگن نوید 8 عملیاتی باشله‌نیشی، میمنه-جوزجان قتناو یولی یقینیده‌گی قیشلاقلرنینگ یشاوچیلریگه، یولگه قوییلگن حربی عملیات نتیجه‌سیده قیشلاقلر بوتونله‌ی طالب‌لردن تازه‌لنیشی خصوصیده، امید توغیرگن ایدی، بیراق نوید 8 عملیاتی نامعلوم دلیل‌لر نتیجه‌سیده توخته‌تیلگن و بو قتناو یولدن ایریم بولیمی حاضرگچه طالب‌لرنینگ نظارتی‌ده دیر.
یشاوچیلرگه کوره، طالب‌لر تامانیدن ایجاد ایتیلگن تیکشیروو نقطه‌لرینی نیچه یوز کیلومترلیگی‌ده امنیتی کوچلرنینگ پوسته‌لری جایلشگن، بیراق امنیتی کوچلر هیچ بیر حرکت قیلمه‌یدی.
بیراق، فاریاب پولیس قومندانلیگی سوزلاوچیسی کریم یورش، بو ادعالرنی رد قیلیب ایتیشیچه، هوا وضعیتی یخشی بولگن صورتده، میمنه-جوزجان قتناو یولی بوتونله‌ی طالب‌لردن تازه‌لنه‌دی.
لیکن؛ فاریاب ولایت کینگشی باشلیغی طاهر رحمانی‌نینگ ایتیشیچه، امنیتی مسؤوللر یالغیز سوز بیره‌دی و عمل‌ده اولر تامانیدن هیچ بیر جدی ایش قیلینمه‌یدی.
فاریاب مملکت شمالی‌ده ناتینچ ولایت‌لردن بیری سنله‌دی و طالب‌لرنینگ یانیده، داعش جنگریلری هم مذکور ولایت‌نینگ ایریم منطقه‌لریده فعالیت قیله‌دی.
