میدان وردک ولایتی‌ده 7 کوچی اوغیرلندی. میدان وردک والیسی‌نینگ سوزلاوچی‌سی عطاالله خوگیانی گه کوره، اوتکن چهارشنبه کونی ولایت بهسود تومنی‌ده، ناتانیش قوراللی کیشی‌لر 7 کوچینی اوغیرلگن.
جناب خوگیانی‌نینگ کوپه‌یتیریشیچه، بو کیشی‌لر بازارگه سودا و ساتیق آلیش اوچون باراتگن بیرچاغی‌ده ناتانیش کیشی‌لر تمانیدن اوغیرلگن.
میدان وردک والیسی‌نینگ سوزلاوچی‌سی‌گه کوره، ولایت رسمی‌لری، ولایتی کینگش و میدان وردک پولیسی اوغیرلنگن کیشی‌لرنینگ تاپیش اوچون ایش‌گه کیرگنلر. بیراق حاضرگه قدر هیچ بیر نتیجه گه ایریشمه گن.
شونینگ‌دیک نیچه کون آلدین کوچیلر و بهسود و دایمرداد یشاوچیلری اورته سیده یوزبیرگن توقنه شوولر نتیجه سیده بیر کیشی کوچیلردن و بیر کیشی هزاره‌لردن هلاک بولگن و باشقه بیر هزاره تن جراجت آلگن ایدی.
هر ییل کوکلم موسومی باشله‌نیب کوچیلر ساووق منطقه‌لردن ایسیق منطقه‌لرده کیلیب جایله‌شیشی باعث بومی یشاوچیلری و کوچیلر اورته سیده توقنه شوولر یوزبیره‌دی، ایریم پیت‌لرده ایکی تاماندن نیچه کیشی هلاک بولیب یره‌لنیشی‌گه سبب بوله‌دی.
