.jpg)
میدان وردک ولایت کینگشی و معارف ادارهسینینگ مسووللری، محلی پولیس کوچلری اوتگن کون (شنبه) دن بویان ولایتنینگ جلریز تومنیده ایرکک اوقوچیلرگه قرهشلی بیر مکتب ایشیگینی شاگردلر یوزیگه باغلهگنلیکلری بارهسیده خبر بیرگنلر. مذکور مکتب ده چمهسی بیرمینگ اوقوچی درس بیلن شغللنیشی ایتیلهدی.
میدان وردک ولایت کینگشینینگ اعضاسی شریفالله هوتک، محلی پولیس اوشبو مکتب اوقوچیلری همده اوقیتوچیلرینی کلتکلهگن دیگن.
اوشبو خبرنی تصدیقلهگن ولایت معارف ادارهسینینگ باشلیغی فضل الرحمن طارقنینگ سلاموطندارگه ایتیشیچه، مساله تیکشیریلیشی اوچون جلریز تومنیگه هیات یوباریلگن.
موضوع بارهسیده ولایت والیسینی جریانگه قویگن لیکنی تیلگه آلگن معارف ادارهسی باشلیغی، بو حقده تومن حاکمی بیلن هم گپیرگن.
عین حالده، تومن پولیس ادارهسینینگ قوماندانی عبدالحقنینگ، اوتگن کون قوراللی طالبلر اوشبو مکتبدن توریب پولیس پوستهلریگه هجوم قیلگنلر دیگن.
واقعهدن کیین محلی پولیس کوچلری رخصت آلیب اوشبو مکتبگه کیرگنلر دیگن. او، هلی مکتب، اوقوچیلر یوزیگه یاپیب قوییلگن لیگینی اعتراف ایتگن.
مملکت بویلب محلی پولیسنینگ قیلمیشی کوپینچه پیتلرده جدی عکسالعمللرگه روپه ره بولگن. لیکن، ایچکی ایشلر زویرلیگینینگ یوقاری مرتبهلی رسمیلری بو قبیل عیبلاولرنی دایم رد قیلگنلر.
بوندن آلدین هم لوگر ولایتی برهکی برک تومنینینگ یشاوچیلری محلی پولیس کوچلرینی بعضی وقتلرده مکتبلرنی حربی قرارگه صفتیده فایدهلهگنلیک اوچون عیبلهگنلر.
