اوتگن کونی مولانا عبدالله قوروقچی‌لری تامانیدن قولگه آلینگن کیشی، اوتگن کیچه قوییب یوباریلگن.
مذکور کیشی 15 کوندن بویان سیلاو ایرکین کمیسیونی اعضاسی مولانا عبدالله‌نی تعقیب قیله‌ریکن، بیراق اوتگن کونی بیر میل قورال، بیر مخابره و خصوصی تلویزیونلردن بیری نینگ کارتی بیلن قولگه آلینگن.
مولانا عبدالله نینگ سلام‌وطندارگه ایتیشیچه، اوتگن کیچه رجال برجسته تشکیلاتی مسووللری او بیلن تماس آلیب و قولگه آلینگن کیشی‌نینگ ملی خوفسیزلیک ریاستی ایشلاوچیسی بولگنی و قوییب یوباریلگنی‌نی ایتگن.
مولانا عبدالله نینگ ایتیشیچه، سیلاو ایرکین کمیسیونی اوروش جبهه‌سیگه اوخشه‌یدی.
اونینگ کوپه‌یتیریشیچه، کمیده 5 امنیتی نهاد بو کمیسیونده جای‌لشگن، بیراق حاضرده هم اوشبو اداره جدی تهدید بیلن روپه‌ره دیر و واقعه یوز بیرگن صورتده، کمیسیون خوفسیزلیک مسوولیتی نینگ قیسی نهاد بوینیگه بولگنی بیللی ایمس.
سیلاو ایرکین کمیسیونی اوشبو اعضاسی نینگ ایتیشیچه، کمیسیونده هیچ‌قندی هماهنگ‌لیک یوق.
بوتوغریده ملی خوفسیزلیک ریاستی و رجال برجسته تشکیلاتی مسووللری نینگ فکرینی آلیش اوچون سعی و حرکت قیلدیک، بیراق موفق بولمه‌دیک.
