کابل استیناف محکمه‌سی، مهسانینگ قاتل‌لری اوچون دستلبکی محکمه تامانیدن صادر ایتیلگن 30 ییل‌لیک قماق حکمی‌نی تصدیقله‌دی.
بوگون «یکشنبه» کابل استیناف محکمه‌سی، 6 یاشیده بولگن قیز باله مهسانینگ اوغیرلنیب و قتل ایتیلگن دوسیه‌سینی تیکشیریب و حکمی‌نی صادر قیلدی.
قضیه تامانلری حضوریده یولگه قوییلگن آچیق قضایی ییغینده، مهسانینگ قاتل‌لری روح‌الله و سجاد آغا 30 ییل‌لیک قماققه محکوم بولیشدی.
کابل استیناف محکمه‌سی قضایی هیأتی نینگ ایتیشیچه، عدلی طِب مهسانینگ قاتل‌لری روح‌الله و سجاد آغانینگ یاشلرینی 20 دن قویی رویخط‌گه آلگن و شو یوزه‌دن اولرنینگ جزالنتیریش حکمی داردن حبس گه کمه‌یگن.
بیراق، مهسانینگ آته‌سی محکمه نینگ حکمی نی قبول قیلمه‌ی و اولدیریلگن کیچیک باله قیزی نینگ قاتل‌لریدن اوچ آلیش نی ایسته‌گن.
شونینگدیک، کابل دستلبکی محکمه‌سی مهسانینگ قاتل‌لرینی 30 ییل‌لیک تنفیذی حبس گه محکوم قیلگن ایدی.
مهسانینگ قاتل‌لری، اوتگن ییل، 19 حوت ده بیرینچی‌دن اونینگ کابل شهری 11- حوزه‌سیگه تیگیشلی منطقه‌دن اوغیرلب و اوندن کیین اولدیرگن‌لر.
مذکور 6 یاشر قیز باله‌نینگ قتل موضوعی میدیاگه چیققنیدن سونگ، اجتماعی ترماقلر اینیقسه فیسبوک ایشلاوچی‌لری اونینگ صورت‌لرینی نشر قیلیب و قاتل‌لری دارگه تارتیلیشی‌نی طلب قیلگن ایدیلر.
