.jpg)
افغانستان سپورتچی‌لری‌نینگ 120 کیشی‌لیک کاروانی 16 تورلی رشته‌ده ایرکک‌لر و عیاللر شامل 16 مربی و 60 سپورتچی آسیا المپیک بیلشوولرینی 18- دوری ده اشتراک قیلیش اوچون بوگون اندونیزیا کیتدی.
المپیک ملی کمیته‌سینی سوزلاوچیسی منورشاه شهزادنینگ ایتیشیچه، افغانستان سپورتچی‌لری چاپیش، یوزمه، بسکتبال، تکواندو، گوره‌ش، چتر اویینی، بدمینتون، جودو، کاراته، بوکس، یوکلمه، ووشو، والیبال و راگبی بولیم‌لریده حریف‌لری‌نینگ برابریده چیقیش‌لری ممکن.
.jpg)
اوشبو بیلشوولرنی رسمی ویب‌سایت صحیفه‌سیده ترقه‌تیلگن معلومات اساسیده، افغانستان سپورت کاروانی 57 ایرکک سپورتچی و 8 عیال سپورتچی شامل 14 سپورت بولیمی‌ده حریف‌لری بیلن رقابت قیله‌دیلر.
آسیا المپیک بیلشوولرینی 18- دوری اندونیزیا میزبانلیگی بیلن جاری ییل 18- اگست ده باشلنه‌دی. اوشبو دور بیلشوولرده افغانستان گه قوشیمچه باشقه 44 آسیایی مملکت اشتراک قیله‌دی. مذکور بیلشوولر 42 سپورت بولیمی‌ده 2- سپتمبرگچه دوام ایتیشی ممکن.
