افغانستان جمهور رئیسی محمداشرف غنی، بلخ گه قیلگن سفرینی ایکینچی کونیده حکومت رسمی‌لری و قوم بویوک‌لری‌نینگ حضوریده نطق سوزلب بلخ ده برق قیین‌چیلیگی و بهاسی بلندلیگی توغریسیده ایتیشیچه، افغانستان برقی تیزلیک‌که بیر ترماققه باغلنه‌دی و بو ایش بولگنده برچه ولایت‌لرنینگ برق خصوصیده بولگن قیین‌چیلیک‌لری حل ایتیله‌دی.
جمهور رئیس گه کوره، مملکت برق ترماقلری بیر ترماققه اوزگریشی 18 آی وقت آله‌دی.
جمهور رئیس غنی، بلخ خوفسیزلیگی تأمین‌لنیشی‌نی بیرینچی ایش‌لریدن بیلیب ایتیشیچه، تیزلیک‌که بلخ ولایتی‌نینگ ناتینچ تومن‌لری تینچ بوله‌دی.
او، بلخ ده خوفسیزلیک کوچلری کم‌لیگی‌نی تَن آله‌دی؛ بیراق مذکور ولایت‌نینگ امنیتی حوزه‌لریده پولیس رقمی تیزلیک‌که کوپه‌یتیریلیشی توغریسیده سوز بیره‌دی.
جمهور رئیس اوروش نی مملکت نینگ شمالیده انتقال بیریلیشی نی دشمن‌لرنی ایشی دیب ایتیشیچه، مملکت نینگ دشمنلری بویوک پروژه‌لرنی آلدی آلینیب و مملکت نینگ اورته آسیا مملکت لریگه وصل بولیشی اوچون اوروش نی مملکت شمالیده انتقال بیرگنلر.
او، کیله‌سی 4 آی ایچیده شمال و شمال شرق منطقه لریده امنیت تامین‌لنیشی توغریسیده وعده بیرگن.
غنی، مملکت شمالی و ارگ نینگ آره‌سیده بولگن قرمه‌قرشیلیکلرنی اونچه‌لی کته ایمس دیب ایتیشیچه، چوکی لر اوسیتگه بولگن قرمه‌قرشیلیکلر حل بولیشی ممکن.
