کابلده جایلشگن خصوصی کسلخانه‌لردن بیریده داکترلردن بیری‌نینگ ادعا قیلیشیچه، یورک، مِیَه و میرگی کسللیک‌لرینی یوزده یوز درمان قیلیش دارونی توزه‌تگن.
اوشبو داکترنینگ آتی گل‌صنم احمدزی دیر. اونینگ ایتیشیچه، بو دارو اوسیملیک‌دن توزلگن و کسل‌لرگه هیچ‌قندی زیان ییتیشتیرمه‌یدی.
خانم احمدزی‌نینگ کوپه‌یتیریشیچه، اوشبو کسللیک‌لرگه یولیقگنلرنینگ باشقه دارولر آرقه‌لی 40% درمانلش امکانی بار؛ بیراق بو اوسیملیک‌دن توزه‌لگن دارولر بیلن یوزده یوز درمان قیلیش ممکن دیر.
اونینگ ایتیشیچه، اوشبو دارو باشقه مدرن درمان قیلیش‌گه قره‌گنده کیفیت‌لی و ارزان دیر؛ بیراق ساغلیق‌نی سقلش وزیرلیگی حاضرگه‌قدر مذکور دارونی رویخط گه یازیش‌گه تیار بولمه‌گن.
محمدانور خوستی، اوشبو دارو آرقه‌لی یورک کسللیگی‌دن قوتقریلگن. اونینگ ایتیشیچه، 4 ییل آلدین یورک کسللیگی‌گه یولیقگن ایدی و درمانلش اوچون چیت‌ایللیک‌لرده هم بارگن، بیراق کامل صورتده، درمان‌لنمه‌گن.
خوستی‌نینگ کوپه‌یتیریشیچه، اوشبو کسلخانه‌گه مراجعت قیلگنی‌دن سونگ، بیر آی جریانیده کامل صورتده، درمان‌لنگن.
عین‌حالده، ساغلیق‌نی سقلش وزیرلیگی رسمی‌لری، شونینگدیک دارونینگ توزه‌لگنی‌دن خبرسیزلیک‌لرینی بیلدیره‌دیلر.
اوشبو وزارت سوزلاوچیسی وحیدالله مایارنینگ ایتیشیچه، مذکور دارونی رویخط گه آلینیشی اوچون کیم‌سه بو وزارت‌گه مراجعت قیلمه‌گن و بو دارو، دارولرنی تنظیم قیلیش ملی اداره تامانیدن تصدیق‌لنمه‌گن صورتده، رویخط گه آلیش اوچون ساغلیق‌نی سقلش وزیرلیگی‌نی رخصتی یوق.
مایارنینگ کوپه‌یتیریشیچه، بو دارونی توزه‌تگن کیشی‌نینگ بیرینچیدن دارولرنی تنظیم قیلیش ملی اداره‌گه مراجعت قیلیشی کیره‌ک.
عین‌حالده، اوشبو خصوصی کسلخانه مسووللری‌نینگ ایتیشیچه، حاضرگه‌قدر میرگی، یورک و مِیَه کسللیگی‌گه یولیقگن 10 کیشی مذکور اوسیملیک‌دن توزه‌لگن دارودن قوله‌نیش بیلن درمان‌لنگن.
