ساغلیک وزیرلیگی نینگ ایتیشیچه، اوتگن 24 ساعت‌ده مملکتده کرونا ویروسی گه شبهه‌لی 1 مینگ و 112 واقعه تیکشیریلگن کیم، بولردن 13 ولایتده 680 ته‌سی ایجابی انیق‌لنگن.
مذکور ینگی واقعه‌لر قید ایتیلیشی بیلن مملکتده کرونا ویروسی گه چلینگنلر رقمی 15 مینگ و 205 کیشی گه ییتیشگن.
بوگون (یکشنبه 11- جوزا) ساغلیک وزیرلیگی مسئوللری نینگ ایتیش‌لریچه، بولردن 371 کیشی کابل، 111 کیشی هرات، 75 کیشی بلخ، 33 کیشی سمنگان، 22 کیشی تخار و باشقه 21 کیشی ننگرهار ده کرونا ویروس گه چلینگن.
اوتگن بیر کیچه – کوندوز ده کرونا ویروسی گه چلینگن 8 کیشی جان بیرگن کیم بو رقم بیلن مملکتده کرونا ویروسی باعث هلاک بولگنلر سانی 257 کیشی گه ییتیشگن. شونینگدیک اوتگن 24 ساعت‌ده کرونا گه چلینگن 25 کیشی دارولنگن کیم بو رقم بیلن دارولنگنلر سانی بیر مینگ و 328 کیشی گه ییتیشگن.
شونینگدیک دنیا ده حاضرگچه 6 میلیون و 161 مینگ کیشی کرونا ویروسی گه چلینگن کیم بولردن 2 میلیون و 738 مینگ‌دن آرتیغی دارولنگن و 371 مینگ‌دن آرتیغی بو ویروس باعث جان بیرگن.
