ساغلیک وزیرلیگی نینگ ساغلیک خدمتلر ترقه‌تیش اورین‌باسری وحیدالله مجروح خبری بیر ییغین اوتکزیب ایتیشیچه، اوتگن 24 ساعت‌ده مملکتده کرونا ویروسی نینگ 782 ینگی ایجابی واقعه‌سی قید ایتیلگن.
ساغلیک وزیرلیگی نینگ معلوماتی اساسیده، حاضر مملکتده کرونا ویروسی گه چلینگنلر سانی 9998 کیشی گه ییتیشدی.
ساغلیک وزیرلیگی گه کوره، اوتگن 24 ساعت‌ده 377 کیشی کابل، 150 کیشی هرات، 49 کیشی بلخ، 47 کیشی غزنی، 32 کیشی ننگرهار، 28 کیشی پکتیا، 21 کیشی سمنگان، 12 – 12 کیشی پکتیا، بغلان و لوگر، 11 کیشی کاپیسا، 10 کیشی کونر، 6 کیشی لغمان، 4 – 4 کیشی بادغیس، غور و فراه و شونینگدیک 3 کیشی تخار ولایتیده کرونا ویروسی گه چلینگن.
ساغلیک وزیرلیگی اورین‌باسری نینگ ایتیشیچه، اوتگن بیر کیچه – کوندوز ده 11 کیشی هرات، بلخ، ننگرهار و غزنی ولایتیده بو ویروس باعث جان بیرگن کیم بو رقم بیلن مملکتده کرونا باعث هلاک بولگنلر سانی 216 کیشی ییتیشگن.
مجروح نینگ کوپه‌یتیریشیچه، کرونا ویروسی‌دن نجات تاپیش اوچون ساغلیک وزیرلیگی نینگ توصیه‌لرنی عملی قیلیب اویده قالیش کیره‌ک.
مجروح گه کوره، حاضرگچه 415 ساغلیک ایشلاوچیسی کرونا ویروسی گه چلینگن کیم اولردن 12 ته‌سی جان بیرگن.
عین حالده، اوتگن 24 ساعت‌ده کرونا ویروسی گه چلینگن 44 کیشی دارولنگن کیم بو رقم بیلن مملکتده دارولنگنلر سانی 1040 کیشی ییتیشدی.
ساغلیک وزیرلیگی نینگ ساغلیک خدمتلر ترقه‌تیش اورین‌باسری، اهالیدن یخشی کون‌لری قیغو گه اوزگرمه‌سلیگی اوچون بیره‌م کون‌لریده اقارب‌لرینی اوی‌لریگه بارمه‌سلیک‌لرینی سوره‌یدی.
