ساغلیق‌نی سقلش وزیرلیگی نینگ اعلان قیلیشیچه، مملکتده کرونا ویروسی‌دن باشقه 531 ایجابی واقعه رویخط گه آلینگن و بوجمله‌دن کوپراغی کابل، قندهار، بلخ، هرات و ننگرهار ولایت‌لریده قید ایتیلگن.
بوگون "پنجشنبه" ساغلیق‌نی سقلش وزیرلیگی نینگ ساغلیک خذمت‌لر ارایه قیلیش اورین باسری وحید مجروح نینگ خبری بیر ییغینده ایتیشیچه، اوشبو ینگی ایجابی واقعه‌لر شامل مملکت بوییچه کرونا ویروسی‌گه چلینگن‌لرنینگ سانی 8676 کیشی‌گه ییتیشگن.
اونینگ ایتیشیچه، اوتگن 24 ساعت جریانیده کرونا ویروسی‌گه چلینگن‌لردن 6 ته‌سی دنیا دن اوتیب و باشقه 8 ته‌سی درمان‌لنگن دیر.
ساغلیق‌نی سقلش وزیرلیگی تامانیدن بیریلگن رقم‌لرگه کوره، حاضرگه‌قدر کرونا ویروسی‌گه چلینگن‌لردن 193 ته‌سی دنیا دن اوتیب و باشقه 938 ته‌سی درمان‌لنگن.
جناب مجروح، مملکت یشاوچی‌لریدن هییت کونلریده اوی‌لریده قالیش‌لرینی سوره‌گن. اونینگ آگاه‌لنتیریشیچه، هییت کونلریده اهالی اویدن چیقیب هییت‌نی بیره‌م قیلگن صورتده، کرونا ویروسی‌گه چلینگن‌لرنینگ سانی کوپه‌یشی ممکن.
شونینگدیک، دنیا ده کرونا ویروسی‌گه چلینگن‌لرنینگ سانی 5 میلیون دن آشگن. حاضرگه‌قدر دنیا ده 5 میلیون و 899 مینگ کیشی کرونا ویروسی‌گه چلینگن و بو جمله‌دن 329 مینگ کیشی جان بیریب و باشقه 2 میلیون و 24 مینگ کیشی درمان‌لنگن.
