بوگون اوزگریش اوچون قوزغلان حرکت اعتراضچی‌لریدن اونلرچه‌سی حکومت باشلیغ‌لریگه قرشی شعار بیریب کابل جاده‌لریگه چیقیب و ینه بیر بار ایستک‌لری اوستیگه تأکید قیلگن‌لر.
مدنی بیر حرکت‌ده ملی بیرلیک حکومت جنازه‌سینی ییلکه‌لریده کوترگن اعتراضچی‌لرنینگ ایتیشیچه، بو حکومت اولر اوچون اولگن دیر.
قوزغلان حرکت اعتراضچی‌لری جمهور رییس محمد اشرف غنی، اجراییه باشلیغی عبدالله عبدالله استعفاء بیریش‌لری، امنیتی مسؤول‌لر و ملی خوفسیزلیک کینگشی مصلحتچیسی حنیف اتمر ایش‌دن آلینیش‌لرینی سوره‌گن‌لر.
اولرنینگ آگاه‌لنتیریشیچه، حکومت باشقه 20 کون‌گچه ایستک‌لریگه تیکلمه‌گن صورتده، افغانستان‌نی دنیا تحصن مرکزی‌گه اوزگرتیریش‌لری ممکن.
اوزگریش اوچون قوزغلان حرکت ناراضیلیک اداغیده بیرقطعنامه صادر ایتیب ایتیشیچه؛ «ملی بیرلیک حکومت رهبرلیگی دقت‌سیزلیک و دموکراسی‌گه قرشی لایحه‌لرنی قولگه آلیب دنیا جماعه‌چیلیگی یوتوقلرینی خطرگه روپه‌ره قیلگن و بو وضعیت دوام ایتگن تقدیرده تیزیم سقوط قیلیشی ممکن.»
اوشبو حرکت اعضالری‌نینگ ایتیشیچه، ایکی آیدن بویان حکومت باشلیغ‌لری، ملی خوفسیزلیک کینگشی مصلحتچیسی استعفا بیریش‌لری و قوزغلان حرکت اعتراضچی‌لریگه قرشی اوق آتگن‌لر محکمه‌گه تارتیلیشی اوستیگه تأکید قیلگن‌لر، لیکن حاضرگچه ایستک‌لری عمل‌گه آشیریلمه‌گن.
اوزگریش اوچون قوزغلان حرکت اعضاسی عمراحمد پروانی‌نینگ ایتیشیچه، هلاک ایتیلگن اعضالری اوچون دادخواه‌لیک عریضه‌نی باش محکمه، باش قاره‌لاوچیلیک، انسان حقلری کمیسیونی و کابل‌ده بیرلشگن ملت‌لر تشکیلات نماینده‌لیگی‌گه یوبارگن‌لر.
اوزگریش اوچون قوزغلان حرکت ییغین‌لر، ناراضیلیک‌لر و نمایش‌لر قانونی‌نینگ ریجه‌سینی مملکت اساسی قانونی، انسان حقلری جهانی اعلامیه‌سی، دنیا کیلیشوولری، مدنی و سیاسی حقوق‌قه قرشی دیب بیله‌دی.
اوزگریش اوچون قوزغلان حرکتی، کابل شهری‌نینگ زنبق تورت یولی‌ده قانلی بیر هجوم یوزبیریب و کابل یشاوچیلریدن بیرقطاری، بو قانلی هجوم آرقه‌سیدن ناراضیلیک بیلدیرگن بیرچاغده ایجاد ایتیلدی، بیراق امنیتی کوچلر اعتراضچی‌لرگه قرشی اوق آتدی و نتیجه‌ده 6 اعتراضچی هلاک و باشقه 42 کیشی یره‌لندی.
