بوگون «سه‌شنبه» کابل‌ده افغان ملی بانکی‌نینگ اجراییه باشلیغی احمدجاوید وفا و افغانستان صناعتچی‌لر بیرلیگی‌نی باشلیغی سخی‌احمد پیمان نینگ آره‌سیده 100 میلیون دالرلیک قرضه شرطنامه‌سیگه قول قوییلدی.
اوشبو شرطنامه اساسیده، افغان ملی بانکی مملکت صناعتچی‌لریگه قرضه بیریش شرایطی‌نی قولی‌لشتیره‌دی.
وفانینگ ایتیشیچه، اوشبو بانک تامانیدن صناعتچی‌لرگه بیریله‌دیگن قرضه 5 ییل‌لیک دیر و بانک یالغیز 5% فایده آله‌دی. اونگه کوره، بانک قرضه‌سینی مدتی کیله‌جک‌ده کوپه‌ییشی ممکن.
صناعتچی‌لر بیرلیگی‌نی باشلیغی سخی‌احمد پیمان نینگ ایتیشیچه، افغان ملی بانکی‌نینگ صناعت گه قرضه بیریش بولیمی‌ده اوتمیشی یخشی دیر.
اونگه کوره، ملی اقتصاد رواجلنیشی و ایش فرصت‌لری یره‌تیلیشی اوچون صناعتچی‌لرنینگ ظرفیتی‌دن فایده‌لنیش کیره‌ک.
پیمان نینگ کوپه‌یتیریشیچه، صناعت بولیمی‌ده سرمایه یاتقزیش قنچه‌لیک کوپه‌یگن صورتده، اوشنچه فایده‌لنیش میزانی آشه‌دی.
شونینگدیک، بوندن آلدین هم افغان ملی بانکی صناعتچی‌لردن حمایت قیلیب و اولرگه 2 میلیارد افغانی قرض بیرگن.
شو توغریده…
صناعتچی‌لر مالیه 2%دن 4%گه آشیریلگنیدن تشویش بیلدیرگن
