سیاسی ایش بیلرمانلر ایریمی افغانستان برچه ولایت‌لریگه گارنیزیون ایجاد بولیشی‌نی ایستیدیلر.
بو ایش بیلرمانلر سلام وطندار بیلن سوزلشگنده افغانستان‌ده ملکی کیشیلر اولیش سانی یوقاری کیتگنی‌دن قورقو کورستگن.
سیاسی و نظامی ایش بیلرمانلر شوپیتده ملکی کیشیلر اولیشی نینگ آلدینی آلیشی توغری سیده خواطر کورسته دیلرکی؛ نیچه کون آلدین ملت‌لر بیرلشگن تشکیلاتی ییل‌لیک گزارشیگه میلادی 2014- ییلده ملکی کیشیلر اولیش سانی 22 فایز یوقاری کیتگن دیگن ایدی.
ایش بیلرمانلر سلام وطندار بیلن سوزلشگنده ملکی کیشیلر اولیشی نینگ یوقاری کیتیشی، خلق بیلن دولت و امنیتی کوچلر ارا فاصله کیلتیریشه‌دی دیدیلر
نظامی ایش بیلرمان‌لردن بیری جنرال رحمت‌الله رؤوفی ملکی کیشیلر اولیشی نینگ یوقاری کیتیش علتی عملیات‌لر دوامیده افغانستان خوف سیزلیک کوچلری ارا اویغورلیک بولمه گنلیگی و استخباراتی و کشفی معلوماتلر یوق لیگی دیب بیله‌دی.
رؤوفی قورالی عصیانچی‌لر هم اوروش اخلاقینی کوزگه توتیشلری بیلن باید ملکی کیشیلر اولیشی نینگ آلدینی آلسه‌لر دیب کوپه یتیره‌دی.
ینه بیرتاماند سیاسی ایش بیلرمان‌لردن جنرال عبدالواحد طاقت و مطیع‌الله خروتی‌لر برچه ولایتلرده منظم گارنیزیون توزه لیشی‌گه تاکید قیلیب، افغانستان فقراسی اولیشی نینگ آلدینی آلیش اوچون گارنیزون ایجاد بولیشسین دیدی.
طاقت؛ افغانستان خوف سیزلیک کوچلری، یولگه قویگن عملیات‌لر اویغور سیزلیک و بیلی میکانیزه بولمه گنلیگی بیلن عملگه آشه‌دی و بو ایش اوزی فقرا لر اولیشی‌گه سبب بوله‌دی دیب کوپه یتیره‌دی.
«افغانستان حاضرگی کوچلری نینگ عملیاتلری تون کیچه تیر آتیشگه اوخشه یدی. منظم گارنیزیون توزه تیلگن صورتده، قوم بویوکلری، ملا اماملر و آق سقاللر مصلحتی بیلن بیر منظم طرح یوزه گه کیلیب، تلفات آلدینی آله دی».
خروتی هم یوقاریده گی سوزلرگه قوشیلیب، گارنیزیون توزه لیشی بیلن منظم استراتژی و برنامه لر اساسیده ملکی کیشیلر اولیش آلدی آلینه دی و منظم و تخنیکی تامان کیته دی دیدی.
کابل و اولکه بویوک شهر لریده پارتلش هجوملر سانی یوقاری کیتگن زمان، جمهور رییس گارنیزیون توزه لیشینی ضروری دیگن ایدی.
ایش بیلرمانلرگه کوره گارنیزیون ایجاد بولیشی بیلن امنیتی کوچلر ارا اویغورلیک کیلیشیگه سبب بوله دی.
