ملا اخترمحمد منصورنینگ طالب‌لرگروهی ینگی رهبری حیثی‌ده تنله‌نیشی بیلن بیرگه، بوگروه آلدینگی رهبری ملاعمرنینگ کتته اوغلی ملا محمدیعقوب ینگی رهبری حیثی‌ده تنله‌نیشیگه جدی قرشیلیک کورسه‌تگن و اوندن اطاعت قیلیشیدن چیکینگن.
31- جولای مولوی محمدیعقوب نینگ رسانه‌لرگه ایتیشیچه، ملا اخترمحمد منصورنینگ رهبر بولیشی اونگه یاقتیرمه‌گن.
طالب‌لرگروهی ارا آلدینگی باشلیغ‌لری ملاعمرنینگ ایکی ییل آلدین اولگن لیگیدن خبر بولیشلری بیلن بیرگه قرمه قرشیلیکلر تاپیلگن. ملاعمرنینگ اولیش خبری افغانستان حکومتی، پاکستان و طالب‌لرگروهی تامانیدن هم تصدیقلندی.
طالب‌لرهم بیر اعلامیه ترقه‌تیشلری بیلن، ملا اخترمحمد منصورنی ینگی باشلیغ‌لری حیثی‌ده تنله‌گنلر و طالب‌لرگروهی‌دن اونینگ ینگی «امیرالمؤمنین» حیثی‌ده اطاعت بولیشینی سوره‌گنلر.
شونینگ‌دیک طالبلر وب‌سایتی‌ده ترقه‌تیلگن گزارشگه کیلیشیچه، طالبلر دوریده‌گی محکمه‌لر عمومی باشلیغی مولوی هدایت‌الله آخندزاده و جلال‌الدین حقانی‌نینگ اوغلی مولوی سراج‌الدین حقانی ملا منصور اورین باسرلری حیثی‌ده تنله‌نیلگن.
ایش بیلرمانلرگه کوره، طالبلر ارا تاپیلگن قرمه قرشیلیکلر، تینچ‌لیک سوزله‌شیشلری اوچون هم کتته نقصان کیلتیره‌دی و بو قرمه قرشیلیک‌لردن داعش تروریستی گروهی هم فایده‌لنیشی ممکن.
اسوشتیدپرس خبرگزارلیگی‌دن نقل بولیب ملا یعقوب‌نینگ ایتیشیچه، او و باشقه طالب‌لرگروهی نینگ 3 ته تاثیرلی کیشی‌لری ملا منصورنینگ طالب‌لرینگی باشلیغی حیثی‌ده تنلش ییغینی‌دن ناراض‌لیک کورسه‌تیب ییغیننی ترک قیلیب چیقگن ایکن.
ملاعمرنینگ اوغلی گه کوره، طالبلر ینگی باشلیغی تنله‌نیشی اوچون باید بوگروه اعضاسی ایچیده هرتامانلمه سیلاو اوتکزیلسین.
ملا اخترمحمد منصور (1996-2001) طالبلر حاکمیتی‌ده هوایی یوللر وزیرلیک باشلیغی بولگن ایدی.
ملا منصور افغانستان حکومتی و طالبلر ارا تینچ‌لیک سوزله‌شیشلریدن هم حمایت قیله‌دی.
ینه بیرتاماندن ایسه، اسمی فاش بولیشینی ایستمه‌گن کویته کینگشی اعضالریدن بیری‌نینگ تلگراف کونده لیگی‌گه ایتیشیچه، ملامنصورنی پاکستانده رهبرحیثی‌ده تنلش یاشیرینچ اولتیریشیده، طالبلر تاثیرلی اعضالریدن اونلرچه‌سی کیلمه‌گن ایکن.
بوندن آلدین هم طالبلر اعضالریدن کوپیسی بوگروه رهبرلیک اعضالریدن بیری ملا عبدالقیوم ذاکر هم ملا محمدیعقوب‌دن حمایت قیله‌دی دیگن ایدیلر، بیراق طالبلر وب‌سایده ترقه‌تیلگن اعلامیه گه کوره، ملا ذاکر ترقه‌تیلگن خبرنی رد قیلیب ایتیشیچه، طالبلر گروهی‌نینگ ینگی رهبریدن اطاعت قیله‌دی.
تلگراف کونده‌لیگی نینگ بو کویته کینگشی عضوی‌نینگ قولیدن یازیشیچه، ملا اخترمحمد منصور اوز هواخواهلری تامانیدن تنلنگن ایکن، نه بوتونله‌ی طالبلر تامانیدن بولسه.
بو طالبلر رسمی سی‌نینگ کوپه‌یتیریشیچه، ملا منصورنینگ بو گروه ینگی رهبری عنوانیگه آلینگن یاشیرینچ اولتیریش 35 دقیقه اولیده اولتیرگن و کیین محلنی ترک ایتیب کیتگن.
افغانستان حکومتی بیلن طالبلر ارا تینچ‌لیک سوزله‌شیشلر ایکینچی دوری اوتمیش جمعه ده بولیب اوتیلیشی کوزه‌تیلگن ایدی، ملاعمرنینگ اولیمی ترقه‌تیلیشی بیلن بیرگه بو اولتیریش کیینگه قالدی.
تینچ‌لیک سوزله‌شیشلر بیرینچی دوری اسلام‌آباده بولیب اوتگن اید و ایکینچی اولتیریش چین اولکه‌سیده لیگی کوزه‌تیلگن. بیراق اوتگن هفته پاکستان حکومتی ایکینچی دور اولتیریش هم پاکستانده بوله‌دی دیگن ایدی.
