ایتالیا «A» اویین‌لری یکونلنگن بیرچاغده، اروپا آلتین کفشی‌نی تقدیری هم بیللی بولدی و لیونل مسی فصل بیلشوولری‌نینگ آلتین کفشی‌نی قولگه کیریتدی.
آرژانتین یولدوزی، 37 گول و 74 امتیاز کسب ایتیب رویخط باشیده قرار تاپدی. اسپورتینگ لیسبون‌نینگ هالندلیک هجومچیسی باس دوست 34 گول و 68 امتیاز کسب ایتیب ایکینچی اورین‌ده و بروسیا دورتموند هجومچیسی پیر امریک اوبامیانگ 31 گول و 62 امتیاز کسب ایتیب اوچینچی درجه‌ده قرار تاپگن.
میلادی 2016- ییل جولای آیی‌ده یوفا رویخطی‌نی باشیده قرارتاپگن بیش مملکت جمله‌دن اسپانیا، آلمان، بریتانیا، ایتالیا و پرتغال‌نینگ لیگ‌لریده حاضر اویینچی‌لر هر بیر گول‌ده ایکی امتیاز کسب ایته‌دیلر و باشقه مملکت‌لرنینگ لیگ‌لریده بو امتیاز 1.5 و 1 اوزگره‌دی.
عین حالده، بارسلونا فوتبال تیرمه جماعه‌سی اسپانیا باشگاه‌لری‌نینگ حذفی جام بیلشوولرینی سونگی اوچره‌شوویده «شنبه کون» آلاوس برابریده 3-1 نتیجه‌سی بیلن غلبه قازاندی و اویین سونگی‌ده بارسلونا تیرمه جماعه‌سی‌نینگ مربی‌سی لوئیس انریکه، مذکور تیرمه جماعه‌نی ترک ایتدی.
لالیگاده بارسلونا ایکینچی درجه‌گه ایگه بولدی و قهرمانلر لیگی‌ده قیتیش اویین‌لردن حذف ایتیلدی و بو فصل‌ده بیرینچی جام‌نی کسب ایتدی.
