.jpg)
اوتگن کون «سه‌شنبه» طالبلر هیأتی‌نینگ باشلیغی شیرمحمد عباس استانکزی مسکو تینچلیک ییغینی‌ده، چیت‌ایللیک کوچلر افغانستاندن چیقگونگه قدر اوشبو گروه آتیش کیسین قیلمه‌سی ممکن دیدی.
مسکو ییغینی‌ده طالبلر رهبرلری‌نینگ جدی موقف آلیب و اوروش میدانی‌ده اولر هجومی‌نینگ کوپه‌یتیریشی یشاوچیلر اوچون سوراق توغدیرگن.
سلام‌وطندارگه صحبت بیرگن سیاسی اِیش بیلرمان‌لردن اسحاق اتمرنینگ ایتیشیچه، طالبان سونگی سوزلشوولرده کوپینچه امتیاز قولگه کیلتیریش اوچون حرکت قیله‌دیلر.
بیراق شونینگ‌دیک سابق حربی‌لردن محمد رادمنش‌نینگ ایتیشیچه، طالبان چینه قیلیب و فرصت‌دن یخشی فایده‌لنیش خصوصیده حرکت قیله‌دی.
مسکو ییغینی یولگه قوییلمس‌دن نیچه ساعت آلدین، طالبان قندز و بغلان ولایت‌لریده پولیس، اردو و محلی کوچلردن 40 ته‌سینی اوققه توتگن بیر حالده، بونده‌ی بیر سوزلر چیققن.
اجرایی ریاستی سوزلاوچیسی اورین باسری امید میثم‌نینگ ایتیشیچه، سیاسی سوزلشوولر نیتجه بیرمه‌ی و طالبان قرشیلیک‌لریده دوام بیرگن صورتده، اولرنینگ برابریده حربی گزینه‌دن اِیش آلینه‌دی.
زلمی خلیلزادنینگ طالبلرنی افغانستان حکومتی بیلن سوزلشوولر میزی‌ده تارتیش اوچون قیلگن سعی و حرکتی‌دن کیین، مسکو ده قطار سیاسی و جهادی سیمالر حضوری بیلن ایکی کونلیک ییغین یولگه قوییلدی، بیراق بو ییغین‌ده ملی بیرلیک حکومتی‌دن هیچ بیر نماینده یوق ایدی.
