.jpg)
بوگون "پنجشنبه" افغانستان ملی بیرلیک شهیدی عبدالعلی مزاری‌نی 24- ییل ترور ایتیلگن ایامی‌دن نشانلش مراسمی سابق و حاضرگی حکومت مقام‌لری‌نینگ اشتراکی بیلن کابل غربیده یولگه قوییلگن ایدی، بیراق راکتی هجوم یوز بیریب نتیجه‌ده لغو ایتیلدی.
عینی شاهدلرنینگ ایتیشیچه، مراسم یولگه قوییلگن منطقه‌نینگ اطراف‌لریده کمیده 24 پارتلش یوز بیرگن.
عینی شاهدلر گزاریشی‌گه کوره، قطار اوق‌لر شهید مزاری مصلای‌سی نینگ اطرافیده بولگن اوی‌لرده توشگن.
عین‌حالده، ایچکی ایشلر وزیرلیگی‌نی مسووللری‌نینگ ایتیشیچه، بو واقعه‌ده 22 کیشی یره‌لنیب و باشقه 3 کیشی هلاک ایتیلگن. ایچکی ایشلر وزیرلیگی‌نینگ مسووللریگه کوره، راکت‌لر کابل شهری‌نینگ 18- ناحیه‌سیدن آتیلگن و هجومچی‌لردن 1 ته‌سی قولگه آلینگن.
بو واقعه‌دن سونگ، ملی بیرلیک حکومتی‌نی اجرایی ریاستی‌نینگ ایکینچی اورین باسری محمد محقق‌نی بیر خبری ییغین آرقه‌لی ایتیشیچه، جناب مزاری‌نینگ ترور ایتیلگن ایامی‌دن نشانلش اوچون یولگه قوییلگن مراسمده یوز بیرگن هجومده حکومت‌نینگ قولی بار.
جناب محقق‌نینگ ایتیشیچه، تینچلیک و برابرلیک تیمی قوریلگن‌دن سونگ، حکومت هردایم اوشبو تیم اوستیگه هجوم قیلگن.
تینچلیک و برابرلیک تیمی‌نی اورین باسری‌نینگ کوپه‌یتیریشیچه، حکومت گه تیگیشلی فسبوک‌لر مراسم یولگه قوییلمسدن آلدین اوشبو مراسم‌گه توسیق بولیش اوچون سعی و حرکت قیلگن‌لر.
جناب محقق‌نینگ ایتیشیچه، اونینگ صحبت‌لر ارگ تیمی‌گه قیمت تمام بوله‌ریدی و انه‌شو سبب، بو حرکت‌گه قول اورگنلر.
.jpg)
تینچلیک و برابرلیک تیمی‌نینگ بیرینچی اورین باسری یونس قانونی و اوشبو تیم اعضاسی عطامحمد نور هم بو توغریده حکومت‌نی عیب‌دار بیلگن.
گزارشلرگه کوره، جمهورلیک ریاستی نامزدلریدن بیری عبدالطیف پدرام و باشقه 3 باله و بیر عیال یره‌لنگنلر جمله‌سیدن دیر. ملی خوفسیزلیک سابق مصلحتچی‌سینی مطبوعاتی دفتری‌نینگ اعلان قیلیشیچه، بو واقعه ده جناب اتمرنینگ قوروقچی‌لریدن 8 ته‌سی یره‌لنگن دیر.
بیراق جمهورلیک ریاستی‌نینگ سوزلاوچیسی هارون چخانسوری، جناب محقق‌نینگ ادعالرینی رد قیلیب و اوشبو ادعالرنی امنیتی و دفاعی کوچلر، افغانستان اسلامی جمهوریتی و یشاوچی‌لرگه توهین عنوان قیلگن.
جناب چخانسوری گه کوره، مذکور ادعالرنی اثبات‌لش اوچون جناب محقق‌نی حجت ارایه قیلیشی کیره‌ک.
عین‌حالده، داعش گروهی بیر خبرنامه ترقه‌تیش بیلن بو واقعه مسوولیتی‌نی بوینیگه آلگن.
