مدنی فعال‌لرنینگ ایتیشیچه، مملکت قتناو یول‌لری امنیتی تأمین ایتیلیشی خصوصیده، حکومت بی‌فرق یانده‌شیب و یولاوچی‌لرنینگ اوز حالی‌گه قویگن. بوگون (پنج‌شنبه) کابل‌ده اوتکزیلگن خبری بیرییغینده مدنی جماعه‌چیلیک اعضالری، کابل- تخار قتناو یولی‌ده یولاوچی‌لر اوغیرلنیب و اولدیریلگن سونگی واقعه‌گه اشاره‌قیلیب ایتیشیچه، حکومت یشاوچی‌لرنینگ جانی‌نی سقلش خصوصیده، کوچسیزلیگی‌نی معلوم قیلگن.
افغانستان مدنی جماعه‌چیلیک جمغرمه‌سی باشلیغی فردین فدایی‌نینگ ایتیشیچه، کابل- تخار قتناو یولی‌دن طالب‌لر آرقه‌لی قمل‌گه آلینگن یولاوچی‌لر قوییب یوباریلیشی خصوصیده، تیزلیک‌ده حکومت تامانیدن چاره تدبیر کوریلیشی لازم.
باشقه بیر ییغینده اجتماعی عدالت حرکت اعضاسی عین‌الدین بیک، امنیتی کوچلرنینگ مسؤولیت‌سیزلیگی و کفایت‌سیزلیگی‌دن جدی شکلده تنقید قیلیب ایتیشیچه، قتناو یول‌لر امنیتی تأمین ایتیلیشی اوچون حکومت تیزیم و تیزیم‌دن تشقری طالب‌لرگه طرفدار کیشی‌لرنی تانیب جزا بیریشی کیره‌ک.
کابل- تخار قتناو یولی‌ده اوغیرلنگن یولاوچی‌لر اوچون دادخواه‌لیک نمایش
دیمک ناراضیلیک بیر نمایش‌ده، کابل یشاوچی‌لریدن یوزلرچه‌سی، کابل- تخار قتناو یولی‌ده یوزبیرگن واقعه عامل‌لری جزالنیشی‌نی سوره‌گن‌لر. شونینگ‌دیک، حکومت‌دن طالبان گروهی برابریده ایکی تامانلمه سیاست‌دن فایده‌لنمه‌ی و اولرنی ترورچی بیر گروه صفتیده بیرلشگن ملت‌لر تشکیلاتی امنیت کینگشی‌گه تانیشتیریشی‌نی ایسته‌گن‌لر.
شونینگ‌دیک، بامیان ولایتی‌ده مدنی فعال‌لردن بیرقطاری، ناراضیلیک بیر نمایش‌ده کابل- تخار قتناو یولی‌ده یوزبیرگن واقعه‌نی قتیق قاره‌لب و یشاوچی‌لرنینگ جانی سقله‌نیشی خصوصیده، حکومت‌نینگ بی‌فرق یانده‌شیش‌گه عیب‌لگن‌لر.
اوتگن (سه‌شنبه کون)، قورال‌لی طالب‌لر کابل- تخار قتناو یولی و قندوز یقینی‌دن 175 یولاوچی‌نی قولگه آلیب و اوندن کیین، اولردن 13 کیشی‌نی آتیب اولدیرگن ایدی.
