کابل گارنیزیون مسوول‌لری، معقول بولمه‌گن ینه اوز باشیمچه اعتراض‌لرگه رخصت بیریلمس‌لیگینی ایتگن‌لر.
کابل گارنیزیون عمومی ادارهسینینگ قوماندانی گل‌نبی‌احمدزی نینگ سلا‌م‌وطندارگه ایتیشیچه، نمایش اوتکزیب یول یوریدگن‌لر نیمه رقم اعتراض اوتکزیشلرنی گارنیزیون بیلن هماهنگ‌لیکده یول‌گه قویسین‌لر. شونینگ‌دیک احمدزی، هیچ بیر اعتراض‌ده افغانستان حکومتی‌نی دنیا همجمعی‌تی آلدیده سوال آستی‌گه قویه دیگن مساله‌لر ایتیلمس‌لیگی کیره‌ک دیگن.
جناب احمدزی، مملکت یشاووچی‌لری پولیس اداره‌لرینی جریانگه قویمی توریب، دولت اداره‌لری، سیاسی مکان‌لر همده ایلچی‌لیک لر مقابلی‌ده اعتراض اوتکزیش حقی‌گه ایگه ایمس‌لر دیگن.
مدنی فعال عبدالودود پدرام، مملکت اساسی قانونی‌گه موافق گارنیزیون ادارهسینینگ مسوول‌لری اعتراض‌چی‌لر اوچون مکان تعین قیلیش صلاحیتی‌گه ایگه ایمس‌لر دیدی.
جناب پدرام‌گه کوره، حکومت مملکت خلقی‌نینگ اساسی حق و حقوقلرینی آیاق آستی قیلیش بیلن دیکتاتورلیک تامان کیتماقده.
مدنی جماعه‌چیلیک ادارهسینینگ باشقه بیر فعالی سمیع دره‌یی، کابل گارنیزیونی بو قیلمیشی بیلن اوزیگه نسبتن خلق‌نینگ نفرتی‌نی آشیره‌دی دیگن.
او، مملکت خلق مدنی اعتراض‌لر اوتکزیش بیلن حکومت تیزیمی‌گه اصلاحات کیریتیش‌گه سعی و حرکت قیله‌دیلر دیدی.
شونینگ‌دیک جناب دره‌یی، مملکت یشاووچی‌لر دولت اداره‌لری، سیاسی تشکیلات‌لر و ایلچی‌لیک‌لر قرشی‌سیده توپله‌نیشگه رخصت‌لر بولمسه قه‌ییرده نمایش اوتکزسین‌لر دیدی؟
افغانستان اساسی قانونی‌نینگ ایکینچی فصل و اوتیز آلتینچی ماده‌سی‌گه موافق، مملکت خلقی‌گه تینچ یول بیلن ناراضی‌لیک نمایش اوتکزیشی اوچون اذین بیریلگن.
