مدنیت و معلومات وزیری عبدالباری جهانی، هرات‌دن کوریب چیقیش مقصدیده، مذکور ولایت‌گه سفر قیلیب بیر ییغینده ایتیشیچه، مدنیت و معلومات وزیرلیگی‌نینگ، باشقه وزیرلیک‌لرگه قره‌گنده بودجه‌سی آز دیر و بو بودجه بیلن تاریخی آبده‌لرنی قیته قوره‌آلمه‌یدی.
مدنیت و معلومات وزیری‌نینگ ایتیشیچه، مذکور وزیرلیک اوچون ییلده 16 الی 18 میلیون افغانی بودجه اجره‌تیله‌دی و بو بودجه، اوشبو وزیرلیک تامانیدن یولگه قوییله‌دیگن اورگه‌تیش سیمینارلرگه هم ییتیشمه‌یدی.
هرات ولایتی تاریخی آبده‌لری قیته قوریلیشی توغری‌سیده جناب جهانی‌نینگ ایتیشیچه، مذکور وزیرلیک‌نینگ، هرات ولایتی اوچون قیله‌دیگن یالغیز ایشی، مذکور ولایت تاریخی آبده‌لری وضعیتی یمان حالت‌گه قرار تاپگنی توغری‌سیده، وزیرلر کینگشی‌گه گزارش بیریش دیر.
محلی رسمی‌لرگه کوره، حاضر هرات ولایتی‌ده 800 دن آرتیق تاریخی آبده موجود و اولردن بیرقطاری نابود ایتیلیش عرفه‌سیده قرار تاپگن.
هرات تاریخی آبده‌لریدن کوپینچه‌سی تیموری‌لر دوره‌سیدن قالگن. اوشبو آبده‌لر 400 ییل‌دن بویان تیک تورگن؛ بیراق کورینیشیچه، بو عصرده ایریم دلیل‌لر باعث، اولردن کوپینچه‌سی ییقیلیب و نابود بولماقده.
