سلام‌وطندارگه صحبت بیرگن بیر منبع نینگ ایتیشیچه، کوپلب مذاکره اوتکزیلگنیدن سونگ، تینچلیک و برابرلیک سیلاو تیمی نینگ ایکینچی اورین باسری محمد محقق، عبدالله عبدالله رهبرلیگی‌ده بولگن برقرارلیک و یقینلیک سیلاو تیمی گه قوشیلگن.
بو کیلیشوو شرطنامه‌سی یقین کونلرده یشاوچیلرگه شریک قیلینه‌دی.
برقرارلیک و یقینلیک سیلاو تیمی نینگ سوزلاوچیسی فریدون خوزون، جناب محقق نینگ قوشیلگنینی تصدیقلب ایتیشیچه، ایرته رسمی خبری ییغینده بو خبر رسمی شکلده تصدیقلنه‌دی و اونینگ اورنی هم عبدالله عبدالله نینگ تیمی ده مشخص قیلینه‌دی.
بوندن آلدین، محمد محقق، محمدحنیف اتمر رهبرلیگی ده بولگن «تینچلیک و برابرلیک» سیلاو تیمی ده ایکینچی اورین باسر ایدی.
شونینگدیک، بوندن آلدین محمدحنیف اتمرنینگ تیمی نیچه پارچه بولگنی توغریسیده خبرلر نشر قیلینگن ایدی و حاضر سیلاو یولگه قوییلیشی گه 38 کون قالگن و سیلاوده اشتراک قیلیش اوچون مذکور تیم نینگ بیرله‌شیشی قیین کورینه‌دی.
بوندن ایلگری محمدحنیف اتمر و عطامحمد نور نینگ آره‌سیده قره‌مه قرشی‌لیک‌لر کوتریلگن ایدی.
شو توغریده…
عبدالله عبدالله، عطامحمد نورگه علاقه کورستگن
