مجلس نماینده لری، «جمعه کون» ناراضیلیک نمایش‌ده یوز بیرگن زوره‌وانلیک‌لر تیکشیریلیشی اوچون بیر هیأت تعیین قیله‌دی.
بوگون «شنبه» نماینده‌لر کینگشی‌نینگ عمومی ییغینیده مجلس نماینده‌لریدن بیرقطاری، «جمعه کون» ناراضیلیک نمایش‌ده یوز بیرگن زوره‌وانلیک‌لر و «چهارشنبه» کون کابل‌ده یوز بیرگن ترورچیلیک هجوم جدی شکلده تیکشیریلیشی‌نی سوره‌گن‌لر.
نماینده‌لر کینگشی‌نینگ اعضالریگه کوره، «جمعه کون» یولگه قوییلگن ناراضیلیک نمایش‌نی زوره‌وانلیک‌که تارتگن‌لر، عدلی و قضایی اداره‌لرگه تانیشتیریلیش‌لری کیره‌ک.
نماینده‌لر کینگشی اعضاسی اقبال صافی‌نینگ ایتیشیچه، «چهارشنبه» کون یوز بیرگن ترورچیلیک هجوم و «جمعه» کون ناراضیلیک نمایش جریانیده یوز بیرگن زوره‌وانلیک توغریسیده، مجلس امنیتی اداره‌لردن جواب سوره‌شی لازم.
جناب صافی‌نینگ ایتیشیچه، «جمعه کون» یولگه قوییلگن ناراضیلیک نمایش باشلنگن چاغیده تینچ ایدی؛ بیراق سابق جمهور رییس‌نینگ اورین باسری و ملی خوفسیزلیک عمومی اداره‌سی‌نینگ سابق باشلیغی، اوز شخصی منفعت‌لری اوچون ناراضیلیک‌نی زوره‌وانلیک‌که تارتگن‌لر.
جناب صافی‌گه کوره، «جمعه کون» یولگه قوییلگن ناراضیلیک نمایش جریانیده اوق آتگن‌لر و شخصی منفعت‌لری اوچون سعی و حرکت قیلگن‌لرنینگ توغریسیده، مجلس تیرگاو اوتکزیب و ناراضیلیک نمایش‌ده یوز بیرگن زوره‌وانلیک عامل‌لرینی عدلی و قضایی اداره‌لرگه تانیشتیریشی کیره‌ک.
نماینده‌لر کینگشی‌نینگ اعضالریدن باشقه بیری حاجی الماس زاهدنینگ ایتیشیچه، «چهارشنبه» کون یوز بیرگن قانلی ترورچیلیک هجوم جوده هم قیغولی ایدی؛ بیراق «جمعه کون» یوز بیرگن واقعه وظیفه‌لریدن چیکلنتیریلیب و امتیازلریدن محروم بولگن قطار سیاستچی‌لر، اعتراضچی‌لرنینگ تویغولریدن اوز منفعت‌لریگه فایده‌لنگنی اوچون اونملی دیر.
جناب زاهدنینگ ایتیشیچه، نماینده‌لر کینگشی اوشبو مسئله‌نی جدی شکلده تیکشیریب و اعتراضچی‌لردن سیاسی فایده‌لنگن‌لر، عدلی و قضایی اداره‌لرگه تانیشتیریلیشی لازم.
عین حالده، نماینده‌لر کینگشی، «جمعه کون» ناراضیلیک نمایش‌ده یوز بیرگن زوره‌وانلیک‌لر و «چهارشنبه» کون کابل‌ده یوز بیرگن قانلی ترورچیلیک واقعه جدی شکلده تیکشیریلیشی خصوصیده، بیر هیأت تعیین ایتیلیشی‌گه قرار قیلدی و اونگه قوشیمچه، مملکت‌ده ناتینچلیک‌لرنینگ آلدی آلینیشی خصوصیده، حکومت‌گه بیر ریجه ارایه ایته‌دی.
