تینچلیک مصلحتی لویه جرگه‌‌نی مملکت بوتون ولایت‌لریدن 2 مینگ نماینده اشتراکی قیلیشی بیلن 26 حوت‌گه کابلده یولگه قوییلیشی ممکن.
اوشبو لویه جرگه اعضالریدن 1100 ته‌سی ولایت‌لردن و باشقه 900 اعضاسی کابلدن اشتراک قیله‌دی.
بوگون "دوشنبه" تینچلیک عالی کینگشی‌نینگ دبیرخانه باشلیغی محمدعمر داوودزی‌نی کابلده بیر خبری ییغین آرقه‌لی ایتیشیچه، مصلحتی لویه جرگه یولگه قوییلیش‌دن مقصد تینچلیک توغریسیده ملی اجماع‌گه قول تاپیش دیر.
داوودزی‌نینگ کوپه‌یتیریشیچه، جمهور رییس اوشبو مصلحتی لویه جرگه یولگه قوییلیشی خصوصیده سیاسی و مدنی گروه‌لر بیلن صحبت قیلیش اوچون حاضرگه‌قدر مذکور ییغین‌نینگ یولگه قوییلیش فرمانی‌نی صادر قیلمه‌گن.
داوودزی‌نینگ ایتیشیچه، مذکور لویه جرگه‌گه اشتراک قیله‌دیگن اعضالر سیلاو آرقه‌لی انتخاب ایتیله‌دیلر.
اونینگ ایتیشیچه، جمهور رییس‌نینگ کیله‌جک جمهورلیک ریاستی سیلاویده نامزد بولگنی باعث، اوشبو لویه جرگه‌نینگ یولگه قوییلیشی‌نی دولتی بولمه‌گن بیر کمیسیون ایلگری آلیب باره‌دی.
تینچلیک عالی کینگشی دبیرخانه باشلیغینینگ کوپه‌یتیریشیچه، بو مصلحتی لویه جرگه‌نینگ باشلیغ و اداری اعضاسی اشتراک قیلگن‌لر تامانیدن انتخاب ایتیله‌دی.
ایتیش کیره‌ک‌که بوگون "دوشنبه" طالبان گروهی و امریکا نماینده‌لری آره‌سیده بولگن تینچلیک سوزلشوولرنینگ 5- دوری دوحه‌گه باشلندی.
