افغانستان ملی مدافعه وزیرلیگی‌نینگ بلند مرتبه‌لی رسمیلری، اوتگن 24 ساعت ایچی‌ده لوگر و میدان وردک ولایت‌لری نینگ ایریم ولسوال‌لیک‌لریده حربی عملیات باشلنگن لیگی‌د‌‌ن خبر بیرماقده‌لر.
ملی اردو تورتینچی لوا پیاده قوماندانی عبدالرزاق ساپی‌نینگ سلام وطندارگه ایتیشیچه، اوشبو عملیات‌لر میدان وردک ولایتی‌نینگ چغتو، سیدآباد و نرخ شونینگ‌دیک لوگر ولایتی‌نینگ محمدآغه، چرخ و بره‌کی برک ولسوال‌لیک‌لریده یولگه قوییلگن.
ساپی، مذکور حربی عملیات اوز پایانی‌گه ییتگنی‌دن سونگ اوشبو منطقه‌لرنی خوفسیزلیگی تامین له‌نیب قالیشی اوچون 500 حربی عسکر قیسقه مدت‌ده بو ولایت‌لرده قاله‌دی دیگن.
ملی اردونینگ مذکور قوماندانی، عملیات پایانی توغری‌سیده بیرار نرسه دیمه‌گن؛ اما، اوشبو ولسوال‌لیک‌لر قوراللی طالب‌لردن تازه‌لنگونگه قدر عملیات دوام تاپیشی تاکیدلنه‌دی.
مذکور حربی عملیات‌لر سونگی وقت‌لرده کابل‌نی میدان وردک و لوگر ولایت‌لری بیلن باغلاووچی عمومی ترانسپورت یول‌لر خوفسیزلیگی جدی تهید ایتیلگن بیر پیت‌ده اوتکزیلماقده.
