سلام‌وطندارگه صحبت بیرگن لوگر ولایتی‌نینگ عیاللر ریاستی باشلیغی شیما زرگرنینگ ایتیشیچه، اوشبو ولایت عیاللریدن 50% ناتینچلیک‌لر، مدنی چیکلاولر و کیم‌لیک‌لری یوقلیگی باعث، کیله‌جک سیلاوده اشتراک قیله آلمه‌یدی.
زرگرنینگ کوپه‌یتیریشیچه، سیلاوده اشتراک قیلیش اوچون عیاللرگه زمینه یره‌تیش و بو موضوع اهمیتی‌دن اولرنینگ آگاه‌لنتیریش دولتی اداره‌لرنینگ وظیفه‌سی دیر.
لوگر ولایتیده عیاللر ریاستی باشلیغی‌نینگ ایتیشیچه، سیلاوده عیاللر اشتراک قیلیشی اوچون عیاللر ریاستی کوپینچه ییغین یولگه قویگن. بیراق شونده‌ی بیر حالده هم سیلاو اوچون رویخط‌گه آلینیش‌ده عیاللرنینگ حضوری آز بولگن.
باشقه تاماندن، لوگر ولایتیده عیاللرنینگ حقیدن مدافعه قیلووچی فعاللرنینگ ایتیشیچه، اوشبو ولایت‌نینگ خوفسیزلیگی اوتمیش‌دن کوره یامان بولگن و شو یوزه‌دن عیاللر کیله‌جک سیلاو اوچون اوزلرینی رویخط‌گه بیرمه‌یدی.
عین حالده، فعال عیاللردن صابره و دیوه احمدزی، سیلاولر ایرکین کمیسیونی و دولتی اداره‌لردن سیلاو اهمیتی و عیاللرنینگ رولی توغریسیده، تومن‌لر و قیشلاقلرنینگ قوم بویوک‌لری و عیاللریگه معلومات بیریب و سیلاو خوفسیزلیگی‌نی تأمین‌لش‌لرینی سوره‌یدی.
بیراق، لوگر حاکمی انورخان اسحاقزی، اوشبو ولایت اهالیسی‌گه ایشانچ بیریب ایتیشیچه، مذکور ولایت نینگ تومن‌لری و پل‌علم شهری‌نینگ وضعیتی یخشی لنیشی اوچون اولر کینگ ریجه‌لرنی قولگه آلگن و بو ریجه‌لر عمل‌گه آشیریلگن صورتده، خوفسیزلیک وضعیتی یخشی بوله‌دی.
لوگر ولایتی‌نینگ حاکمی، اوشبو ولایت اهالیسی‌دن کیله‌جک سیلاوده کینگ شکلده اشتراک قیلیش‌لرینی سوره‌یدی.
لوگر مملکت‌نینگ ناتینچ ولایت‌لریدن بیری سنله‌دی و بو ولایت‌نینگ 3 تومنیده حاضرگچه رویخط‌گه آلیش جریانی باشلنمه‌گن.
