لوگر ولایتیده امنیتی کوچلرنینگ پوسته‌لری اوستیگه طالبان گروهی نینگ هجوملری کوپه‌یگنی باعث، مذکور ولایت یشاوچیلری خواطر بیلدیریشگن.
لوگر ولایتی نینگ یشاوچیلریدن بیرقطاری نینگ ایتیشیچه، مذکور ولایت مرکزی پل‌علم ده هر کیچه امنیتی کوچلرنینگ پوسته‌لری طالبان گروهی نینگ هجوملری گه دوچ کیله‌دی و امنیتی کوچلر قربانلیک بیره‌دی.
یشاوچیلرگه کوره، ناتینچلیک‌لر کوپه‌یگنی باعث، اولردن کوپینچه‌سی اوی و جایلرینی ترک ایتیب و تینچ منطقه‌لرگه کیتگن‌لر.
لوگر یشاوچیلری نینگ آگاه‌لنتیریشیچه، خوفسیزلیک رسمی‌لری لوگر وضعیتی گه دقت قیلمه‌گن صورتده، بو ولایت طالبان گروهی نینگ قولی گه سقوط قیلیشی ممکن.
شونینگدیک، لوگر حاکمی محمدانورخان اسحاقزی نینگ ایتیشیچه، بو ولایت اوستیگه طالبان گروهی هجوملرینی شدتلنتیرگن و بو یولدن کابل نی ناتینچ قیلیش اوچون سعی و حرکت قیله‌دی.
بیراق، لوگر پولیس قومندانی رحم خدا مخلص نینگ ایتیشیچه، طالبان گروهی امنیتی کوچلر بیلن یوزمه-یوز اوروشه آلمه‌یدی و یالغیز کابل-لوگر قتناو یولیده امنیتی پوسته‌لرنی اوستیگه هجوم قیله‌دیلر.
جناب مخلص گه کوره، ولایت مرکزی پل‌علم شامل لوگرنینگ بیرقطار تومن‌لریده طالبان گه قرشی ییر و هوایی عملیات‌لر باشلنگن و بو عملیات‌لر نتیجه‌سیده طالبان گروهی آغیر قربانلیک بیرگن.
لوگر، کابل گه یقین ولایت‌لردن بیری دیر. مذکور ولایت یشاوچیلریگه کوره، برکی‌برک، چرخ، خروار و ازره تومن‌لری نینگ مرکزلریدن باشقه منطقه‌لری طالبان گروهی نینگ نظارتی ده دیر.
