لوگر ولایتی نینگ مرکزی پل‌علم داخل بیر قنچه تومنلرده‌گی مکتبلرنینگ قیز اوقوچیلری، جمعیتده‌گی نا توغری عرف و عادت و نابرقرارلیک سبب تورتینچی صنفدن یوقاری تعلیم آلیش شرایطی‌گه ایگه بولمه‌گن لیکلریدن شکارت قیلگنلر.
مذکور قیز اوقوچیلر، لوگر ولایتی نینگ ایریم حدودلریده بیشینچی صنفگه قدر و بعضی قیشلاقلریده ایسه آلتینچی صنفدن سونگ مکتب ایشی یوزلریگه یاپیلیشینی تیلگه آلگنلر. عین حالده، ولایت نینگ بعضی قیشلاقلریده قیزلر اوچون اصلا مکتب بولمه‌گن لیگی اوشبو قیزطلبه‌لر تامانیدن تیلگه آلگن.
نابرقرارلیک میزانی آشگن‌لیگی و یول نینگ اوزاقلیگی ولایتده‌‌گی قیز اوقوچیلرنینگ اونگیده تورگن باشقه بیر معما حسابلنه‌دی.
بو اوقوچیلرنینگ سوزلریگه قره‌گنده، کوپینچه خانه‌دانلر قیز باله‌لری مکتبده اوقیشی توغریسیده معلوماتگه ایگه ایمسلر. انه شو باعث ولایت نینگ معارف همده خاتین – قیزلر اداره‌سیدن بو توغریده عایله‌لر ذهنینی یاروتیش اوچون برنامه نظرده توتیشلرینی طلب قیلیشگن اوشبو قیز اوقوچیلر.
لوگر خاتین – قیزلر اداره‌سی نینگ باشلیغی شیما رزگر اوشبو قیین چیلیکلرنی تصدیقلب، خانه‌دانلرگه بو حقده آیدینلیک بیریب قیز فرزندلرینی مکتب‌گه قوییش اوچون ترغیب قیلیش‌ده سعی وحرکت آلیب باریشلرینی ایتگن.
ولایت معارف اداره‌سی نینگ سوزلاووچیسی شاهپورعرب، دین عالملری و قوم یاش اولوغلری همکارلیگی بیلن قیزلرنینگ ییتینچی صنفدن سونگ هم درس‌گه دوام بیریشلری اوچون شرایط یره‌تیلشینی تیلگه آلگن.
لوگر معارف اداره‌سی نینگ رسمی حساباتی اساسیده حاضر ولایت بویلب 365 مکتبده 140 مینگ اوقوچی درس بیلن شغللنه‌دی. ایتیلیشیچه، بولرنینگ 30%نی قیزلر تشکیل ایته‌دی.
