لوگرده‌گی کوچی‌لرنینگ ایتیشیچه، اوتلاق‌لریدن 50 فایزی زوره وان‌کیشی‌لر تامانیدن غصب بولیب اورته‌دن کیتگن.
مذکور ولایت کوچی‌لریدن بیری خان‌محمدنینگ سلام‌وطندارگه ایتیشیچه، اوتلاق‌لری قوی و هوکیز سقلش اوچون مناسب ییر بولگن، بیراق ایریم دلیل‌لر سبب، بو ییرلر اورته‌دن کیتیب و زوره وان‌کیشی‌لر تامانیدن غصب اتیلماقده. خان‌محمدنینگ ایتیشیچه، قویلری اولیشی توغری‌سیده خواطرده دیر.
مذکور ولایت کوچی‌لریدن باشقه بیری شمس‌الدین‌نینگ ایتیشیچه، هزاره‌لر منطقه‌سیدن کیله‌دیگن یولده بیرقطار قویلری اورته‌دن کیتگن. اونینگ ایتیشیچه، حاضر بو منطقه‌ده ییتیشگن و اوتلاق‌لر زوره وان‌کیشی‌لر تمانیدن غصب بولگن.
لوگر ولایتی ایکینچی‌لیک و چارواچی‌لیک اداره‌سی باشلیغی انجنیر همایون عمر سلام‌وطندار بیلن تلیفونی سوزله‌شیب مذکور ولایت کوچی‌لری‌نینگ قیینچی‌لیک‌لرینی تأیید قیلیب ایتیشیچه، ولایت بره‌کی‌برک، پل‌علم، خروار و ارزی تومن‌لریده‌گی ییرلرنی کوچی‌لرنینگ اوتلاق‌لریگه اجره‌تگن. جناب عمرگه کوره، اجره‌تیلگن ییرلر کمیده 230 هکتارگه ییتیشه‌دی.
جناب عمرنینگ کوپه‌یتیریشیچه، ییل قوریق‌لیگی باعث، کوپینچه اوتلاق‌لر اورته‌دن کیتگن. اونینگ ایتیشیچه، انه‌شوسبب کوچی‌لر برابریده قیینچی‌لیک‌لر کوپیگن.
شونینگ‌دیک، ایکینچی‌لیک و چارواچی‌لیک اداره‌سی باشلیغی، ایریم اوتلاق منطقه‌لر زوره وان‌کیشی‌لر تامانیدن غصب‌گه آلینگنینی تأیید قیلگن. ایتیلیشیچه، اوتلاق‌لر کمه‌یگنی و ایریم کسل‌لیک‌لر مالدارلرگه قرشی جدی قیینچی‌لیک‌لرگه سبب بولگن.
ایش بیلرمان‌لرگه کوره، اوتلاق‌لر توغری‌سیده دقت قیلینگن صورتده، سوت محصولات میزانی کوپه‌ییشی ممکن.
اقتصاد ایش بیلرمانی حبیب‌الله پشتون‌نینگ ایتیشیچه، ییل قوریق‌لیگی باعث، ایریم منطقه‌لرده کوچی‌لر رمه‌سی کمه‌یگن. جناب پشتون‌نینگ ایتیشیچه، مالدارلیک توغری‌سیده دقت قیلینگن صورتده، افغانستان سوت محصولاتی‌نینگ ایشلب چیقاریش خصوصیده یخشی صورتده یوکسله‌دی.
